തിരുവനന്തപുരം: പുതിയ സർക്കാർ രൂപീകരണത്തിൽ അനിശ്ചിതത്വം നിലനിൽക്കുന്ന സാഹചര്യത്തിൽ, സംസ്ഥാനത്തെ ഭരണപരമായ സുഗമമായ പ്രവർത്തനം ഉറപ്പുവരുത്താൻ ചീഫ് സെക്രട്ടറിയുടെ നേതൃത്വത്തിൽ ഉന്നതതല അവലോകന യോഗം ചേർന്നു. ജില്ലാ കളക്ടർമാർ, വകുപ്പ് സെക്രട്ടറിമാർ, വകുപ്പ് മേധാവികൾ എന്നിവർ യോഗത്തിൽ പങ്കെടുത്തു.(Chief Secretary High Level Meeting to Ensure Continuity of Governance)
ജൂൺ ഒന്നിന് സ്കൂളുകൾ തുറക്കുന്നതിനായുള്ള എല്ലാ ക്രമീകരണങ്ങളും പൂർത്തിയായി. പാഠപുസ്തകങ്ങളുടെ 65 ശതമാനം വിതരണം പൂർത്തിയായി. ബാക്കി പുസ്തകങ്ങളും മെയ് 31-നകം എത്തിക്കും. സ്കൂളുകളുടെ ഫിറ്റ്നസ് സർട്ടിഫിക്കറ്റ് ലഭിക്കുന്നതിനായി സുരക്ഷാ മാനദണ്ഡങ്ങൾക്ക് മുൻഗണന നൽകി പുതിയ സർക്കുലർ പുറത്തിറക്കാൻ പൊതുവിദ്യാഭ്യാസ വകുപ്പിന് നിർദ്ദേശം നൽകി. അടുത്ത രണ്ടാഴ്ച കളക്ടർമാർ സ്കൂളുകളിൽ അപ്രതീക്ഷിത പരിശോധന നടത്തണം.
പ്രളയ പ്രതിരോധ പ്രവർത്തനങ്ങൾക്കായി ഓരോ ജില്ലയ്ക്കും ഒരു കോടി രൂപ വീതം അടിയന്തരമായി അനുവദിച്ചു. മലപ്പുറം മങ്കടയിലുണ്ടായ മിന്നലപകടത്തിൽ മരണപ്പെട്ടവരുടെ കുടുംബങ്ങൾക്ക് ധനസഹായം നൽകും. ഓറഞ്ച് ബുക്കിലെ നിർദ്ദേശങ്ങൾ സമയബന്ധിതമായി പൂർത്തിയാക്കണം. എൽപിജിയിൽ നിന്ന് പി എൻ ജി സംവിധാനത്തിലേക്ക് മാറുന്നത് വേഗത്തിലാക്കാൻ ജില്ലാ കളക്ടർമാർക്ക് നിർദ്ദേശം നൽകി. റോഡ് കട്ടിങ് അനുമതികൾ വേഗത്തിലാക്കാൻ ബന്ധപ്പെട്ടവർ ശ്രദ്ധിക്കണം.
സെൻസസ് പ്രവർത്തനങ്ങൾ നിശ്ചിത സമയപരിധിക്കുള്ളിൽ പൂർത്തിയാക്കാൻ കളക്ടർമാർക്ക് നിർദ്ദേശം നൽകി. ‘സർപ്പ’ മൊബൈൽ ആപ്പിന്റെ ഉപയോഗം വ്യാപിപ്പിക്കാനും സ്കൂളുകളിൽ ബോധവത്കരണ പരിപാടികൾ സംഘടിപ്പിക്കാനും തീരുമാനിച്ചു. ദേശീയപാത വികസനം അവസാനഘട്ട പ്രവർത്തനങ്ങൾ വേഗത്തിലാക്കാൻ എൻ.എച്ച്.എ.ഐയുമായി ഏകോപിച്ച് പ്രവർത്തിക്കാൻ കളക്ടർമാർക്ക് നിർദ്ദേശം നൽകി.
Story Summary
In the absence of a new government, Chief Secretary Dr. A. Jayathilak convened a high-level meeting at the Secretariat to ensure the continuity of essential administration. The meeting focused on critical tasks including monsoon preparedness, school reopening logistics, the transition to Piped Natural Gas (PNG), and infrastructure projects, with strict directives issued to District Collectors to monitor progress closely.
