മലയാളികളുടെ പ്രിയ നടൻ സിജു വിത്സനും ഭാര്യ ശ്രുതി വിജയനും ഇന്ന് ഒൻപതാം വിവാഹവാർഷികത്തിന്റെ നിറവിൽ (Siju Wilson). ഈ സുദിനത്തിൽ പ്രിയതമയ്ക്ക് ഹൃദയസ്പർശിയായ ആശംസകൾ നേർന്ന് താരം പങ്കുവെച്ച സോഷ്യൽ മീഡിയ പോസ്റ്റാണ് ഇപ്പോൾ ആരാധകർ ഏറ്റെടുത്തിരിക്കുന്നത്. “എന്റെ ഹൃദയം കവർന്ന, എന്നെ എപ്പോഴും സന്തോഷിപ്പിച്ചു നിർത്തുന്ന എന്റെ പ്രിയപ്പെട്ടവൾക്ക് വിവാഹവാർഷിക ആശംസകൾ” എന്നാണ് ഭാര്യക്കൊപ്പമുള്ള മനോഹരമായ ചിത്രങ്ങൾ പങ്കുവെച്ചുകൊണ്ട് സിജു കുറിച്ചത്.
നീണ്ട നാളത്തെ പ്രണയത്തിനൊടുവിൽ 2017 മേയ് 28-നായിരുന്നു സിജുവിന്റെയും ശ്രുതിയുടെയും വിവാഹം. മെഹർ, റൂഹി എന്നീ രണ്ട് പെൺമക്കളാണ് ഈ ദമ്പതികൾക്കുള്ളത്. സിജുവിന്റെ വിശേഷങ്ങളും കുടുംബചിത്രങ്ങളും എപ്പോഴും സോഷ്യൽ മീഡിയയിൽ ശ്രദ്ധ നേടാറുണ്ട്.
View this post on Instagram
‘നേരം’ എന്ന ചിത്രത്തിലൂടെ അരങ്ങേറി ‘പ്രേമം’, ‘ഹാപ്പി വെഡ്ഡിംഗ്’, ‘കട്ടപ്പനയിലെ ഋത്വിക് റോഷൻ’ തുടങ്ങിയ സിനിമകളിലൂടെ മലയാളി പ്രേക്ഷകരുടെ പ്രിയങ്കരനായി മാറിയ നടനാണ് സിജു വിത്സൻ. വിനയൻ സംവിധാനം ചെയ്ത ചരിത്ര പശ്ചാത്തലത്തിലുള്ള ‘പത്തൊമ്പതാം നൂറ്റാണ്ട്’ എന്ന ചിത്രത്തിലെ ആറാട്ടുപുഴ വേലായുധ പണിക്കർ എന്ന കേന്ദ്ര കഥാപാത്രം സിജുവിന്റെ കരിയറിലെ ഏറ്റവും വലിയ വഴിത്തിരിവായി മാറി. അഭിനയത്തിന് പുറമെ നിർമ്മാണരംഗത്തും താരം തന്റെ സാന്നിധ്യം അറിയിച്ചിട്ടുണ്ട്. സംസ്ഥാന ചലച്ചിത്ര പുരസ്കാരം നേടിയ ‘വാസന്തി’ എന്ന ചിത്രം നിർമ്മിച്ചത് സിജു ആയിരുന്നു. ഈ ചിത്രത്തിൽ ശ്രദ്ധേയമായൊരു കഥാപാത്രത്തെയും അദ്ദേഹം അവതരിപ്പിച്ചു. ‘ഡോസ്’ ആണ് താരത്തിന്റേതായി ഒടുവിൽ തിയേറ്ററുകളിലെത്തിയ ചിത്രം.
Story Summary: Malayalam actor Siju Wilson celebrated his wedding anniversary by sharing a heartwarming note and beautiful pictures with his wife, Sruthi Vijayan. The couple, who got married in 2017 after years of love, are blessed with two daughters.
