ആലപ്പുഴ: തടസ്സമില്ലാതെ ഗതാഗതം സാധ്യമാകുമെന്ന അവകാശവാദത്തോടെ പുനർനിർമ്മിച്ച ആലപ്പുഴ-ചങ്ങനാശ്ശേരി (എ.സി.) റോഡ് ഉദ്ഘാടനം കഴിഞ്ഞ് അഞ്ചുമാസം പിന്നിടുമ്പോഴേക്കും വെള്ളക്കെട്ടിലായി. റോഡിൽ പലയിടങ്ങളിലായി മുക്കാൽ കിലോമീറ്ററോളം ദൂരത്തിൽ വെള്ളം കയറിയതോടെ ഗതാഗതം കടുത്ത പ്രതിസന്ധിയിലായിരിക്കുകയാണ്.(AC Road Flooded Within Five Months Of Inauguration Traffic Disrupted In Alappuzha)
എ.സി. കോളനി, പൂവം, ഒന്നാംകര, പാറക്കൽ, കിടങ്ങറ ഈസ്റ്റ് തുടങ്ങിയ പ്രദേശങ്ങളിലാണ് റോഡിൽ വെള്ളം ഉയർന്നിരിക്കുന്നത്. ചെറിയ വാഹനങ്ങൾ പലതും വെള്ളക്കെട്ടിൽ കുടുങ്ങുന്ന സ്ഥിതിയാണുള്ളത്.
വെള്ളത്തിന്റെ അളവ് അനുമിഷം ഉയർന്നുകൊണ്ടിരിക്കുന്നതിനാൽ റോഡിലൂടെയുള്ള ഗതാഗതം പൂർണ്ണമായും തടസ്സപ്പെടുമോ എന്ന ഭീതിയിലാണ് യാത്രക്കാരും നാട്ടുകാരും. 2020 ഒക്ടോബറിലായിരുന്നു പദ്ധതിയുടെ നിർമ്മാണോദ്ഘാടനം.
Story Summary
The AC Road in Alappuzha flooded within five months of its inauguration. Waterlogging in areas like Kidangara and Poovam has severely hit traffic, raising public outrage over flood-proofing claims.
