തൃശൂർ: ചാവക്കാട് മണത്തലയിൽ ഇടിമിന്നലേറ്റ് വീടിന്റെ ചുമർ തകർന്നു വീണ് ഒരു കുടുംബത്തിലെ മൂന്ന് പേർക്ക് പരിക്കേറ്റു. മണത്തല വിശ്വനാഥ ക്ഷേത്രത്തിന് സമീപം ഐനിപുള്ളി വീട്ടിൽ മനോജ്, ഭാര്യയും മുൻ നഗരസഭാ കൗൺസിലറുമായ സ്മൃതി, മകൾ ധ്വനി എന്നിവർക്കാണ് പരിക്കേറ്റത്.(3 members of a family injured as wall of house collapses due to Strong lightning)
പുലർച്ചെയുണ്ടായ ശക്തമായ ഇടിമിന്നൽ വീടിന്റെ ചുമരിലാണ് പതിച്ചത്. മിന്നലിന്റെ ആഘാതത്തിൽ ചുമർ തകരുകയും ഉറങ്ങിക്കിടന്നിരുന്ന ഇവരുടെ ദേഹത്തേക്ക് തെറിച്ചു വീഴുകയുമായിരുന്നു. വീടിനും ഉപകരണങ്ങൾക്കും നാശനഷ്ടങ്ങൾ സംഭവിച്ചിട്ടുണ്ട്. പരിക്കേറ്റവരെ ഉടൻ തന്നെ ആശുപത്രിയിൽ പ്രവേശിപ്പിച്ചു.
