വ്യാജ പാസ്പോര്ട്ടുമായി ബംഗ്ലാദേശ് സ്വദേശി പിടിയില്
![വ്യാജ പാസ്പോര്ട്ടുമായി ബംഗ്ലാദേശ് സ്വദേശി പിടിയില്](https://timeskerala.com/static/c1e/client/91214/uploaded/e7a3ad64f8725503b41db12493f6f79f.webp)
വലിയതുറ: വ്യാജ പാസ്പോര്ട്ടുമായി തിരുവനന്തപുരം രാജ്യാന്തര വിമാനത്താവളത്തിലെത്തിയ ബംഗ്ലാദേശ് പൗരനെ എമിഗ്രേഷന് അധികൃതര് പിടികൂടി. നാഗാബാദ് മദ്രസ മുറാദ് നഗര് സുംല ജില്ലയില് ദേബ് നാഥിനെ (30) യാണ് അധികൃതര് പിടികൂടിയത്. വ്യാജ ആധാര് ത്രിപുരയിലെ വിലാസത്തില് നിര്മിച്ചശേഷം അതുപയോഗിച്ച് ഇയാൾ വ്യാജ പാസ്പോര്ട്ട് നിര്മിക്കുകയായിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
ചൊവ്വാഴ്ച പുലര്ച്ചെ 1.20ന് തിരുവനന്തപുരത്തുനിന്ന് ഷാര്ജയിലേയ്ക്കുള്ള വിമാനത്തില് പോകാനെത്തിയപ്പോഴാണ് ഇയാള് എമിഗ്രേഷന് അധികൃതരുടെ പിടിയിലായത്.
പാസ്പോര്ട്ട് വ്യാജമാണെന്നു മനസിലാക്കിയ എമിഗ്രേഷന് അധികൃതര് ഇയാളെ തടഞ്ഞുവച്ച ശേഷം വിവരം വലിയതുറ പോലീസില് അറിയിക്കുകയായിരുന്നു. ഇയാള്ക്കെതിരെ പാസ്പോര്ട്ട് ആക്ട് പ്രകാരം കേസെടുത്തതായി പോലീസ് അറിയിച്ചു. ചൊവ്വാഴ്ച കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.