ആറാം ക്ലാസ് വിദ്യാർഥിയെ അധ്യാപകര്‍ ചേര്‍ന്ന് മര്‍ദിച്ചതായി പരാതി
Feb 7, 2024, 06:08 IST
പാലക്കാട്: മണ്ണാർക്കാട് ആറാം ക്ലാസ് വിദ്യാർഥിയെ അധ്യാപകർ മർദ്ദിച്ചതായി പരാതി. നെല്ലിപ്പുഴ ഡിഎച്ച്എസ്എസിലെ ആറാം ക്ലാസ് വിദ്യാർഥി മുഹമ്മദ് നാസിമിനെയാണ് അധ്യാപകര്‍ മര്‍ദ്ദിച്ചത്. മറ്റ് വിദ്യാർഥികൾ തമ്മിലുള്ള അടിപിടിയുടെ പേരിൽ നാസിമിനെ രണ്ട് അധ്യാപകർ ചേർന്ന് മർദിച്ചുവെന്ന് പിതാവ് സമദ് പറഞ്ഞു. വിദ്യാർഥി താലൂക്ക് ആശുപത്രിയിൽ ചികിത്സ തേടി. സംഭവത്തിന് പിന്നാലെ സമദ് പോലീസിൽ പരാതി നൽകി.