കോഴിക്കോട്: നിയമസഭാ തിരഞ്ഞെടുപ്പിൽ യുഡിഎഫിനെ പിന്തുണയ്ക്കാൻ വെൽഫെയർ പാർട്ടി തീരുമാനിച്ചു. യുഡിഎഫ് സ്ഥാനാർത്ഥികളുടെ വിജയത്തിനായി പ്രവർത്തിക്കാനാണ് പാർട്ടി നേതൃത്വത്തിന്റെ തീരുമാനം. ഇതുസംബന്ധിച്ച ഔദ്യോഗിക പ്രഖ്യാപനം ബുധനാഴ്ച ഉണ്ടാകും.(Welfare Party supports UDF in assembly elections, Will not contest)
തിരഞ്ഞെടുപ്പ് തന്ത്രങ്ങൾ ആവിഷ്കരിക്കുന്നതിനായി നാളെ ജില്ലാ അടിസ്ഥാനത്തിൽ പ്രത്യേക യോഗങ്ങൾ ചേരും. കഴിഞ്ഞ 2021-ലെ നിയമസഭാ തിരഞ്ഞെടുപ്പിൽ 18 സീറ്റുകളിൽ വെൽഫെയർ പാർട്ടി സ്വന്തം സ്ഥാനാർത്ഥികളെ നിർത്തി മത്സരിച്ചിരുന്നു. എന്നാൽ ഇത്തവണ മത്സരരംഗത്ത് നിന്ന് മാറിനിന്ന് യുഡിഎഫിനെ പിന്തുണയ്ക്കാനാണ് പാർട്ടി ലക്ഷ്യമിടുന്നത്.
