കോഴിക്കോട്: എൽ.ഡി.എഫ് മുന്നണിയിൽ മുഖ്യമന്ത്രിയെ മുൻകൂട്ടി പ്രഖ്യാപിക്കുന്ന രീതിയല്ല ഉള്ളതെന്ന് ടി.പി. രാമകൃഷ്ണൻ. തിരഞ്ഞെടുപ്പ് ഫലം വന്നതിനുശേഷം സാഹചര്യം വിലയിരുത്തി പാർട്ടി ഉചിതമായ തീരുമാനമെടുക്കുമെന്നും അദ്ദേഹം പ്രമുഖ മാധ്യമത്തോട് വ്യക്തമാക്കി.(We don’t have a way of deciding the Chief Minister in advance, says TP Ramakrishnan)
കഴിഞ്ഞ 10 വർഷം പിണറായി വിജയൻ കരുത്തോടെ സർക്കാരിനെ നയിച്ച അനുഭവം മുന്നിലുണ്ട്. തിരഞ്ഞെടുപ്പ് വിജയം മാത്രമാണ് ഇപ്പോൾ മുന്നിലുള്ളത്. പ്രതിപക്ഷ നേതാവ് ആരാകുമെന്നത് ഇപ്പോൾ ചിന്തിക്കേണ്ട കാര്യമില്ല. ഏത് നേതൃപദവിയിലേക്കും യോഗ്യരായവരെ തിരഞ്ഞെടുക്കാൻ എൽ.ഡി.എഫിന് യാതൊരു ബുദ്ധിമുട്ടും ഉണ്ടാകില്ലെന്നും അദ്ദേഹം പറഞ്ഞു.
കേരളത്തിൽ യു.ഡി.എഫ് പ്രതീക്ഷിക്കുന്ന തരത്തിലുള്ള ന്യൂനപക്ഷ ഏകീകരണം ഉണ്ടായിട്ടില്ല. ന്യൂനപക്ഷ വിഭാഗങ്ങളിൽ നിന്ന് വലിയ തോതിലുള്ള പിന്തുണ എൽ.ഡി.എഫിന് ലഭിച്ചിട്ടുണ്ട്. കേരളത്തിൽ ബി.ജെ.പിക്ക് ഒരു സീറ്റ് പോലും ലഭിക്കാൻ പോകുന്നില്ലെന്ന് അദ്ദേഹം ഉറപ്പിച്ചു പറഞ്ഞു.
