കാസർഗോഡ്: കോൺഗ്രസ് സ്ഥാനാർത്ഥി പട്ടികയുമായി ബന്ധപ്പെട്ട് നിലവിൽ പുറത്തുവരുന്ന വാർത്തകൾ തള്ളി രാജ്മോഹൻ ഉണ്ണിത്താൻ എംപി. വാർത്തകൾ വെറും അഭ്യൂഹം മാത്രമാണെന്നും ഹൈക്കമാൻഡ് അംഗീകരിച്ച പട്ടികയിൽ ഇനി മാറ്റമുണ്ടാകാൻ സാധ്യതയില്ലെന്നും അദ്ദേഹം വ്യക്തമാക്കി.(There is no possibility of change in the candidate list, says Rajmohan Unnithan)
സ്ഥാനാർത്ഥി പട്ടിക നേരത്തെ തന്നെ തയ്യാറാക്കിയതാണ്. നേതാക്കൾ മടങ്ങിയ സാഹചര്യത്തിൽ ലിസ്റ്റിൽ മാറ്റം വരുത്താൻ സാധ്യതയില്ല എന്നാണ് ഉണ്ണിത്താൻ പറഞ്ഞത്. പാർട്ടിയുടെ പൊതുതീരുമാനത്തിൽ നിന്ന് ആർക്കും ഇളവ് നൽകില്ലെന്ന സൂചനയാണ് അദ്ദേഹം നൽകിയത്.
