ആലപ്പുഴ: തിരഞ്ഞെടുപ്പിൽ എം. ലിജുവിന് ലഭിക്കുന്ന ഭൂരിപക്ഷം പ്രവചിക്കുന്നവർക്ക് പണം വാഗ്ദാനം ചെയ്തയാൾക്കെതിരെ പോലീസ് കേസെടുത്തു. യൂത്ത് കോൺഗ്രസ് നേതാവിനെതിരെയാണ് പോലീസ് കേസെടുത്തത്.(Police file case against Youth Congress leader, who promised reward for predicting M Liju’s majority)
എം. ലിജു ജയിക്കുമെന്നും ഭൂരിപക്ഷം കൃത്യമായി പ്രവചിക്കുന്നവർക്ക് 10,001 രൂപ സമ്മാനം നൽകുമെന്നുമായിരുന്നു ഇയാളുടെ ഫേസ്ബുക്ക് പോസ്റ്റ്. ഏതാനും ദിവസങ്ങൾക്ക് മുൻപാണ് ഈ മത്സരം സംഘടിപ്പിച്ചത്.
ഭാരതീയ ന്യായ സംഹിത (BNS 192) പ്രകാരമാണ് കേസെടുത്തിരിക്കുന്നത്. നിയമസഭാ തിരഞ്ഞെടുപ്പുമായി ബന്ധപ്പെട്ട് രാഷ്ട്രീയപരമായി പ്രകോപനമുണ്ടാക്കുക എന്ന ഉദ്ദേശ്യത്തോടെയാണ് പ്രതി പ്രവർത്തിച്ചതെന്ന് പോലീസ് എഫ്ഐആറിൽ വ്യക്തമാക്കുന്നു.
