തിരുവനന്തപുരം: കേരളം ആര് ഭരിക്കുമെന്ന് അറിയാൻ നിമിഷങ്ങൾ മാത്രം ബാക്കിനിൽക്കെ, ഭരണത്തുടർച്ചയ്ക്കായി എൽഡിഎഫ് കേന്ദ്രങ്ങളിൽ പ്രാർത്ഥനകളും വഴിപാടുകളും. മുഖ്യമന്ത്രി പിണറായി വിജയന്റെ വിജയത്തിനായി ആലപ്പുഴയിലെ വെട്ടിക്കോട് നാഗരാജ സ്വാമി ക്ഷേത്രത്തിൽ കദളിപ്പഴം പാൽ വഴിപാട് നടത്തി.(Pinarayi Vijayan Kannur Residence security party hq updates)
ഫലപ്രഖ്യാപനം തത്സമയം നിരീക്ഷിക്കാൻ മുഖ്യമന്ത്രി പിണറായി വിജയൻ കണ്ണൂരിലെ തന്റെ വസതിയിലാണുള്ളത്. ഇതിന്റെ ഭാഗമായി അദ്ദേഹത്തിന്റെ വീടിന് പോലീസ് സുരക്ഷ ശക്തമാക്കിയിട്ടുണ്ട്. മറ്റ് പ്രമുഖ നേതാക്കളെല്ലാം തിരുവനന്തപുരത്ത് കേന്ദ്രീകരിച്ചിരിക്കുകയാണ്.
സിപിഎം സംസ്ഥാന സെക്രട്ടറി എം.വി. ഗോവിന്ദൻ പാർട്ടി ആസ്ഥാനത്ത് ഫലങ്ങൾ വിലയിരുത്തും. സിപിഐ സെക്രട്ടറി ബിനോയ് വിശ്വം പാർട്ടി ഓഫീസിലുണ്ടാകും. വി.ഡി. സതീശനും കെ. സുധാകരനും ഉൾപ്പെടെയുള്ള കോൺഗ്രസ് നേതാക്കൾ തലസ്ഥാനത്തുണ്ട്. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ ബിജെപി ആസ്ഥാനത്ത് ഫലം നിരീക്ഷിക്കും.
ഭരണവിരുദ്ധ വികാരം വോട്ടായി മാറിയെന്നും പത്ത് വർഷത്തിന് ശേഷം യുഡിഎഫ് അധികാരത്തിൽ തിരിച്ചെത്തുമെന്നുമാണ് കോൺഗ്രസ് ക്യാമ്പിന്റെ കണക്കുകൂട്ടൽ. എന്നാൽ എക്സിറ്റ് പോളുകളെ തള്ളി, ജനക്ഷേമ പദ്ധതികൾ വഴി മൂന്നാം തവണയും പിണറായി സർക്കാർ അധികാരത്തിൽ വരുമെന്ന് എൽഡിഎഫ് ഉറച്ചു വിശ്വസിക്കുന്നു. അതേസമയം, കേരളത്തിൽ അക്കൗണ്ട് തുറക്കുമെന്നും നിർണ്ണായക ശക്തിയാകുമെന്നുമാണ് ബിജെപിയുടെ പ്രതീക്ഷ.
Story Summary
As the election results are about to unfold, CM Pinarayi Vijayan is monitoring trends from his high-security residence in Kannur. While supporters offer prayers at temples for LDF’s win, top leaders from UDF, LDF, and BJP have reached their respective party headquarters in Trivandrum to track the final verdict.
