ധരംശാല: ഐപിഎൽ 2026-ലെ ഒന്നാം ക്വാളിഫയറിൽ ഗുജറാത്ത് ടൈറ്റൻസിനെ 92 റൺസിന് തകർത്ത് റോയൽ ചലഞ്ചേഴ്സ് ബംഗളൂരു ഫൈനലിൽ പ്രവേശിച്ചു. ധരംശാലയിൽ നടന്ന ആവേശപ്പോരാട്ടത്തിൽ ടോസ് നഷ്ടപ്പെട്ട് ബാറ്റിംഗിനിറങ്ങിയ ആർസിബി, ഐപിഎൽ പ്ലേഓഫ് ചരിത്രത്തിലെ ഏറ്റവും ഉയർന്ന സ്കോറായ 254/5 എന്ന കൂറ്റൻ മലയാണ് പടുത്തുയർത്തിയത്.(RCB vs GT Qualifier 1, Royal Challengers Bengaluru Beat Gujarat Titans To Enter IPL 2026 Final)
മറുപടി ബാറ്റിംഗിനിറങ്ങിയ ഗുജറാത്ത് 19.3 ഓവറിൽ 162 റൺസിന് എല്ലാവരും പുറത്തായി. ആർസിബി ക്യാപ്റ്റൻ രജത് പടിതാറിന്റെ തകർപ്പൻ പ്രകടനമാണ് ബംഗളൂരുവിന് കൂറ്റൻ സ്കോർ സമ്മാനിച്ചത്. വെറും 33 പന്തിൽ നിന്ന് 93* റൺസ് അടിച്ചുകൂട്ടി പടിതാർ പുറത്താകാതെ നിന്നു. വിരാട് കോഹ്ലിയും (43) ക്രുണാൽ പാണ്ഡ്യയും (43) ക്യാപ്റ്റന് മികച്ച പിന്തുണ നൽകി.
ഈ ഇന്നിങ്സോടെ ഐപിഎൽ ചരിത്രത്തിൽ തുടർച്ചയായി നാല് സീസണുകളിൽ 600-ലധികം റൺസ് നേടുന്ന ആദ്യ താരം എന്ന സുവർണ്ണ റെക്കോർഡ് വിരാട് കോഹ്ലി സ്വന്തം പേരിൽ കുറിച്ചു. 255 റൺസ് എന്ന കൂറ്റൻ ലക്ഷ്യം പിന്തുടർന്ന ഗുജറാത്തിന് തുടക്കം മുതലേ പിഴച്ചു. പവർപ്ലേയ്ക്കുള്ളിൽ തന്നെ അവർക്ക് 5 വിക്കറ്റുകൾ നഷ്ടമായി. ഓപ്പണർ സായ് സുദർശൻ ഹിറ്റ് വിക്കറ്റായി പുറത്തായപ്പോൾ, ക്യാപ്റ്റൻ ശുഭ്മൻ ഗില്ലിനും തിളങ്ങാനായില്ല. രാഹുൽ തെവാട്ടിയ (68) ഒറ്റയാൾ പോരാട്ടം നടത്തിയെങ്കിലും ഗുജറാത്തിനെ രക്ഷിക്കാനായില്ല. ആർസിബിക്കായി ജേക്കബ് ഡഫി മൂന്ന് വിക്കറ്റും, ഭുവനേശ്വർ കുമാർ, റസിഖ് ദാർ, ക്രുണാൽ പാണ്ഡ്യ എന്നിവർ രണ്ട് വിക്കറ്റ് വീതവും വീഴ്ത്തി. തോറ്റെങ്കിലും ഗുജറാത്തിന് ഫൈനലിലെത്താൻ ഒരു അവസരം കൂടിയുണ്ട്. എലിമിനേറ്റർ മത്സരത്തിലെ വിജയികളുമായി ക്വാളിഫയർ 2-ൽ ഗുജറാത്ത് ഏറ്റുമുട്ടും.
Story Summary
Royal Challengers Bengaluru entered the IPL 2026 final after defeating Gujarat Titans by 92 runs in Qualifier 1. Led by Rajat Patidar’s blistering 93*, RCB posted a record 254/5, while Virat Kohli crossed 600 runs for the fourth consecutive season before bowling out GT for 162.
