മുംബൈ: ഐപിഎൽ താരങ്ങളെയും ഒഫീഷ്യലുകളെയും ലക്ഷ്യമിട്ടുള്ള ഹണി ട്രാപ്പ് ശ്രമങ്ങളെക്കുറിച്ച് ബിസിസിഐ സെക്രട്ടറി ദേവാജിത് സൈക എല്ലാ ഫ്രാഞ്ചൈസികൾക്കും കത്തെഴുതി. താരങ്ങളുടെ സുരക്ഷയും ടൂർണമെന്റിന്റെ അന്തസ്സും കണക്കിലെടുത്ത് കളിക്കാരുടെ ഹോട്ടൽ മുറികളിൽ ബിസിസിഐയുടെ പ്രത്യേക ടാസ്ക് ഫോഴ്സ് മിന്നൽ പരിശോധനകൾ നടത്തും. നിയമലംഘനം നടത്തുന്നവർക്കെതിരെ സസ്പെൻഷൻ ഉൾപ്പെടെയുള്ള കർശന നടപടികളുണ്ടാകുമെന്ന് ബിസിസിഐ മുന്നറിയിപ്പ് നൽകി.(BCCI Issues Honey Trap Warning And Strict Protocols For IPL 2026 Players)
ടീം മാനേജറുടെ മുൻകൂർ അനുമതിയില്ലാതെ പുറത്തുനിന്നുള്ള ആർക്കും താരങ്ങളുടെ മുറിയിൽ പ്രവേശിക്കാൻ അനുവാദമില്ല. സുഹൃത്തുക്കൾക്കും ബന്ധുക്കൾക്കും ഈ നിയമം ബാധകമാണ്. ഹോട്ടലിന് പുറത്തേക്ക് വ്യക്തിപരമായ ആവശ്യങ്ങൾക്കായി പോകുന്ന താരങ്ങൾ സെക്യൂരിറ്റി ലെയ്സൺ ഓഫീസറുടെയും ടീം ഇന്റഗ്രിറ്റി ഓഫീസറുടെയും മുൻകൂർ അനുമതി വാങ്ങണം.
ബിസിസിഐ പ്രതിനിധികളും ഐപിഎൽ ഓപ്പറേഷൻസ് ടീമും അടങ്ങുന്ന പ്രത്യേക സംഘം ഹോട്ടലുകളിൽ എപ്പോൾ വേണമെങ്കിലും പരിശോധന നടത്തിയേക്കാം. ടീം മാനേജർമാർ കളിക്കാരെ സന്ദർശിക്കുന്ന അതിഥികളുടെ കൃത്യമായ വിവരങ്ങൾ സൂക്ഷിക്കണം. നിയമങ്ങൾ ലംഘിക്കുന്ന താരങ്ങൾക്കും ഫ്രാഞ്ചൈസികൾക്കുമെതിരെ കാരണം കാണിക്കൽ നോട്ടീസ്, വലിയ തുക പിഴ, സസ്പെൻഷൻ അല്ലെങ്കിൽ അയോഗ്യതാ നടപടികൾ എന്നിവ സ്വീകരിക്കാൻ ബിസിസിഐക്ക് അധികാരമുണ്ടാകും. കൂടാതെ, മത്സരത്തിനിടയിൽ ഡഗൗട്ടിലുള്ള താരങ്ങളുമായോ മാനേജർമാരുമായോ ഫ്രാഞ്ചൈസി ഉടമകൾ ആശയവിനിമയം നടത്തരുതെന്നും നിർദ്ദേശമുണ്ട്.
Story Summary
BCCI Secretary Devajit Saikia has warned all 10 IPL franchises about potential ‘honey-trap’ risks during the 2026 season. Strict guidelines have been issued, including surprise hotel room checks and restrictions on unauthorized guests, to protect players from sexual misconduct allegations and maintain the league’s integrity.
