ലോസ് ആഞ്ചലസ്: ഫിഫ ലോകകപ്പിൽ തകർപ്പൻ ജയത്തോടെ സ്പെയിൻ പ്രീക്വാർട്ടറിൽ (റൗണ്ട് ഓഫ് 16) പ്രവേശിച്ചു (Spain vs Austria World Cup 2026). ലോസ് ആഞ്ചലസ് സ്റ്റേഡിയത്തിൽ നടന്ന ഏകപക്ഷീയമായ മത്സരത്തിൽ ഓസ്ട്രിയയെ എതിരില്ലാത്ത മൂന്ന് ഗോളുകൾക്ക് കീഴടക്കിയാണ് സ്പെയിൻ തങ്ങളുടെ ആധിപത്യം ഉറപ്പിച്ചത്. മത്സരത്തിലുടനീളം പന്തടക്കത്തിലും ആക്രമണത്തിലും സ്പെയിൻ പൂർണ്ണ നിയന്ത്രണം നിലനിർത്തി.
സ്പാനിഷ് ഫോർവേഡ് മികേൽ ഒയർസബാലിന്റെ ഇരട്ട ഗോളുകളും പെഡ്രോ പൊറോയുടെ ഗോളുമാണ് സ്പെയിന് അനായാസ വിജയം സമ്മാനിച്ചത്. മത്സരത്തിന്റെ 36-ാം മിനിറ്റിൽ മാർക്ക് കുക്കറെല്ലയുടെ കൃത്യമായ പാസിൽ നിന്നായിരുന്നു ഒയർസബാലിന്റെ ആദ്യ ഗോൾ. 66-ാം മിനിറ്റിൽ പെഡ്രോ പൊറോ സ്പെയിന്റെ ലീഡ് രണ്ടാക്കി ഉയർത്തി. തുടർന്ന് 89-ാം മിനിറ്റിൽ ഒയർസബാൽ തന്റെ രണ്ടാം ഗോളും ടീമിന്റെ മൂന്നാം ഗോളും നേടി വിജയം പൂർത്തിയാക്കി.
കളത്തിൽ സമ്പൂർണ്ണ ആധിപത്യം സ്ഥാപിച്ച സ്പെയിൻ 22 ഗോൾ ശ്രമങ്ങളും 10 ഓൺ ടാർഗറ്റ് ഷോട്ടുകളുമാണ് തൊടുത്തത്. പന്തടക്കത്തിൽ 77 ശതമാനവും സ്പെയിന്റെ പക്കലായിരുന്നു. മറുഭാഗത്ത് ഓസ്ട്രിയയ്ക്ക് സ്പാനിഷ് ഗോൾകീപ്പർ ഉനായ് സിമോണിനെ പരീക്ഷിക്കാൻ പോലുമുള്ള ഒരു ഓൺ ടാർഗറ്റ് ഷോട്ട് പോലും ഉതിർക്കാൻ കഴിഞ്ഞില്ല. പ്രീക്വാർട്ടറിൽ പോർച്ചുഗൽ – ക്രൊയേഷ്യ മത്സരത്തിലെ വിജയികളെയാണ് സ്പെയിൻ നേരിടുക.
Story Summary: Spain advanced to the Round of 16 in the 2026 FIFA World Cup after a dominant 3-0 victory over Austria at the Los Angeles Stadium. A brace from Mikel Oyarzabal and a goal from Pedro Porro sealed the win for Luis de la Fuente’s side, which enjoyed 77% possession. Spain will next face the winner of the Portugal vs Croatia match in the pre-quarterfinals.
