വിവാഹത്തെക്കുറിച്ചുള്ള അഭ്യൂഹങ്ങൾ ശക്തമാകുന്നതിനിടെ സ്പെയിനിലെ മാഡ്രിഡിൽ നടന്ന ‘സ്പൈഡർമാൻ: ബ്രാൻഡ് ന്യൂ ഡേ’ ഫോട്ടോക്കോളിൽ സെൻഡയയും ടോം ഹോളണ്ടും ഒന്നിച്ചെത്തി (Zendaya Tom Holland). ചടങ്ങിൽ ഇരുവരും കൈകോർത്തുപിടിച്ചും സ്നേഹത്തോടെ പെരുമാറിയും ആരാധകരുടെ മനംകവർന്നു. റെഡ് കാർപെറ്റിൽ പരസ്പരം നോക്കി ചിരിച്ചും, ടോം ഹോളണ്ട് സെൻഡയയെ ചേർത്തുപിടിച്ചും പോസ് ചെയ്തതോടെ ഇവരുടെ ആരാധകർ ആവേശത്തിലായി. വിവാഹ വാർത്തകൾ പ്രചരിച്ചതിന് ശേഷം ഇരുവരും ഒന്നിച്ചെത്തുന്ന ആദ്യ ചടങ്ങാണിത്.
View this post on Instagram
കറുത്ത നിറത്തിലുള്ള ക്രിസ്ത്യൻ കോവൻ ഗൗൺ ധരിച്ചാണ് സെൻഡയ ചടങ്ങിൽ എത്തിയത്. ഗൗണിന്റെ തായ്-ഹൈ സ്ലിറ്റും ഫ്രിഞ്ച് ഡിസൈനും പ്രത്യേകതയായിരുന്നു. കറുത്ത പമ്പുകളും സ്ലീക്ക് ഹെയർസ്റ്റൈലും കൂടി ചേർന്നപ്പോൾ സെൻഡയ അതിസുന്ദരിയായി. ടോം ഹോളണ്ട് കറുത്ത സ്യൂട്ടും ചുവന്ന കോളർ ഷർട്ടും ധരിച്ചാണ് പ്രത്യക്ഷപ്പെട്ടത്. കഴിഞ്ഞ വർഷം ജനുവരിയിലാണ് ഇരുവരും വിവാഹനിശ്ചയം നടത്തിയത്. സെൻഡയയുടെ ഇടതുകൈയിൽ ഡയമണ്ട് മോതിരത്തിന് പകരം സ്വർണ്ണ മോതിരം കണ്ടതോടെയാണ് വിവാഹം കഴിഞ്ഞെന്ന അഭ്യൂഹങ്ങൾ ശക്തമായത്.
അടുത്തിടെ സെലിബ്രിറ്റി സ്റ്റൈലിസ്റ്റ് ലോ റോച്ച് ഇരുവരും രഹസ്യമായി വിവാഹിതരായെന്ന് വെളിപ്പെടുത്തിയത് വാർത്തകളിൽ വലിയ പ്രാധാന്യം നേടിയിരുന്നു. എന്നാൽ ഇക്കാര്യത്തിൽ സെൻഡയ വ്യക്തമായ മറുപടി നൽകാൻ തയ്യാറായിട്ടില്ല. കാര്യങ്ങൾ സ്വകാര്യമായി വെക്കാനാണ് തങ്ങൾ ആഗ്രഹിക്കുന്നതെന്നും, സന്തോഷം നിലനിർത്താൻ ഇത്തരം കാര്യങ്ങൾ അറിഞ്ഞിരിക്കേണ്ടത് ആവശ്യമാണെന്നും സെൻഡയ നേരത്തെ പ്രതികരിച്ചിരുന്നു. ലോകത്തിൽ നിന്ന് ഒളിച്ചോടാൻ ശ്രമിക്കുകയല്ലെന്നും, മറിച്ച് പ്രിയപ്പെട്ട കാര്യങ്ങൾ സംരക്ഷിക്കാൻ ശ്രമിക്കുകയാണെന്നും താരം കൂട്ടിച്ചേർത്തു. എന്തായാലും മാഡ്രിഡിലെ ഈ സാന്നിധ്യം താരജോഡികൾ തമ്മിലുള്ള സ്നേഹബന്ധം ഒരിക്കൽ കൂടി ഉറപ്പിക്കുകയാണ്.
Summary: Zendaya and Tom Holland made their first joint red carpet appearance at the ‘Spider-Man: Brand New Day’ photocall in Madrid, following widespread speculation about their marital status. The couple displayed evident affection, dispelling rumors by sharing loved-up moments throughout the event.
