കൊച്ചി: മലയാളികളുടെ പ്രിയപ്പെട്ട നടിയും നർത്തകിയുമായ ഊർമ്മിള ഉണ്ണിയുടെ 64-ാം ജന്മദിനത്തിൽ മകൾ ഉത്തര ഉണ്ണി പങ്കുവെച്ച സ്നേഹനിർഭരമായ സോഷ്യൽ മീഡിയ കുറിപ്പ് ശ്രദ്ധേയമാകുന്നു (Urmila Unni 64th birthday). അമ്മയ്ക്കൊപ്പമുള്ള കുട്ടിക്കാലത്തെയും ഇപ്പോഴത്തെയും ചിത്രങ്ങൾ കോർത്തിണക്കിയാണ് നർത്തകി കൂടിയായ ഉത്തര ഇൻസ്റ്റാഗ്രാമിൽ ആശംസകൾ കുറിച്ചത്.
“അവസാന ചിത്രത്തിലുള്ള അതേ കുട്ടി തന്നെയാണ് ഇപ്പോഴും ഞാൻ എന്നാണ് അമ്മ വിചാരിച്ചിരിക്കുന്നത്. പക്ഷേ എന്നെ സംബന്ധിച്ചിടത്തോളം മൂന്നാമത്തെ ചിത്രത്തിലുള്ള വ്യക്തിയാണ് അമ്മ; എപ്പോഴും കൃസൃതികളും തമാശകളും നിറഞ്ഞൊരാൾ. എന്റെ അമ്മക്കുട്ടിയ്ക്ക് ഏറ്റവും സന്തോഷം നിറഞ്ഞ ജന്മദിനാശംസകൾ (ആശംസിക്കാൻ കുറച്ച് ലേറ്റ് ആയിപ്പോയി),” – ഉത്തര കുറിച്ചു. അമ്മയും മകളും ഒരേ ലുക്കിൽ പരമ്പരാഗത ശൈലിയിൽ നിൽക്കുന്ന മനോഹരമായ ചിത്രങ്ങൾ ആരാധകരും ഏറ്റെടുത്തുകഴിഞ്ഞു.
View this post on Instagram
അമ്മയുടെ വഴിയെ കലാരംഗത്തേക്ക് കടന്നുവന്ന ഉത്തര ഉണ്ണി നടി, ഭരതനാട്യം നർത്തകി, നൃത്ത അധ്യാപിക എന്നീ നിലകളിലെല്ലാം പ്രശസ്തയാണ്. ‘ഇടവപ്പാതി’ എന്ന ചിത്രത്തിലൂടെ സിനിമയിലും അരങ്ങേറ്റം കുറിച്ചിരുന്നു. ബിസിനസ്സുകാരനായ നിതേഷ് നായരാണ് ഉത്തരയുടെ ജീവിതപങ്കാളി. ധീമഹി എന്നാണ് ഇവരുടെ മകളുടെ പേര്. സോഷ്യൽ മീഡിയയിൽ സജീവമായ ഉത്തര പങ്കുവെക്കുന്ന കുടുംബവിശേഷങ്ങളെല്ലാം പ്രേക്ഷകർ എപ്പോഴും കൗതുകത്തോടെയാണ് നോക്കിക്കാണാറുള്ളത്.
Story Summary: Actress and dancer Utthara Unni shared a heartwarming birthday post for her mother, veteran actress Urmila Unni, on her 64th birthday. Sharing a mix of childhood and recent pictures, Utthara jokingly noted how her mother still views her as a little child, while she sees her mother as a fun-loving person. Utthara is married to Nitesh Nair, and they have a daughter named Dheemahi.
