ബോളിവുഡ് താരങ്ങളായ സൊനാക്ഷി സിൻഹയും സഹീർ ഇഖ്ബാലും തമ്മിലുള്ള പ്രണയം ആദ്യമായി തിരിച്ചറിഞ്ഞത് സൽമാൻ ഖാനാണെന്ന് വെളിപ്പെടുത്തൽ. നേഹ ധൂപിയയും അംഗദ് ബേദിയും നയിക്കുന്ന ‘ഡബിൾ ഡേറ്റ്’ എന്ന ഷോയിലാണ് ഇരുവരും ഇക്കാര്യം തുറന്നു പറഞ്ഞത് (Sonakshi Zaheer Relationship). തങ്ങൾ പ്രണയത്തിലാണെന്ന കാര്യം പുറത്തു പറയുന്നതിന് മുൻപ് തന്നെ സൽമാൻ ഖാൻ അത് മനസ്സിലാക്കിയിരുന്നുവെന്ന് സഹീർ വെളിപ്പെടുത്തി.
സൽമാന്റെ മുന്നിൽ പ്രണയം നിഷേധിക്കാൻ പലതവണ ശ്രമിച്ചെങ്കിലും അദ്ദേഹം അത് വിശ്വസിച്ചില്ല. “ഒരിക്കൽ സൽമാൻ പറഞ്ഞു, ‘നിങ്ങൾ രണ്ടുപേരും ഒരു ദിവസം ബ്രേക്ക് അപ്പ് ആകും. അപ്പോൾ നീ ഇങ്ങോട്ട് വന്ന് കരയും, അവൻ അങ്ങോട്ട് പോയി കരയും. എനിക്ക് നിങ്ങളെ രണ്ടുപേരെയും ഇഷ്ടമാണ്, അതുകൊണ്ട് ആരുടെയും പക്ഷം പിടിക്കാൻ ഞാൻ ആഗ്രഹിക്കുന്നില്ല'” എന്ന് സൊനാക്ഷി ഓർക്കുന്നു. സൽമാന്റെ ഈ വാക്കുകൾ കേട്ട് ഇരുവരും ഞെട്ടിപ്പോയി. പിന്നീട് ഒരു ട്രെക്കിംഗിനിടെ സൽമാൻ ഖാൻ സഹീറിനെ അടുത്ത് വിളിച്ച്, “എല്ലാം കാണുന്നുണ്ട്” എന്ന് പറഞ്ഞതോടെ തങ്ങളുടെ പ്രണയം അദ്ദേഹത്തിന് ബോധ്യമായെന്ന് ഇരുവരും തിരിച്ചറിഞ്ഞു.
സൽമാൻ ഖാൻ സംഘടിപ്പിച്ച ഒരു പാർട്ടിയിൽ വെച്ചാണ് സൊനാക്ഷിയും സഹീറും ആദ്യമായി കണ്ടുമുട്ടുന്നത്. 2017-ൽ പ്രണയത്തിലായ ഇവർ വർഷങ്ങളോളം ബന്ധം രഹസ്യമാക്കി വെച്ചു. 2022-ൽ ‘ഡബിൾ എക്സ് എൽ’ എന്ന ചിത്രത്തിൽ ഇരുവരും ഒന്നിച്ച് അഭിനയിക്കുകയും ചെയ്തു. പിന്നീട് 2024 ജൂണിൽ മുംബൈയിലെ സൊനാക്ഷിയുടെ വസതിയിൽ വെച്ച് സ്പെഷ്യൽ മാരേജ് ആക്ട് പ്രകാരം ഇരുവരും വിവാഹിതരായി.
Summary: Sonakshi Sinha and Zaheer Iqbal revealed that Salman Khan was the first to sense their relationship, even before they officially disclosed it. Salman had even jokingly warned them about a potential breakup, telling them he wouldn’t take sides when they inevitably came to him for comfort, proving he had noticed their chemistry long before they made it public.
