നടനും സംവിധായകനുമായ കെ. ഭാഗ്യരാജിന്റെ വിയോഗത്തിൽ അനുശോചനം അറിയിക്കാനും അന്തിമോപചാരമർപ്പിക്കാനും നേരിട്ടെത്തിയ തമിഴ്നാട് മുഖ്യമന്ത്രി വിജയിക്ക് നന്ദി പറഞ്ഞ് മകൻ ശാന്തനു ഭാഗ്യരാജ് ( Shanthanu Bhagyaraj Emotional Note). ഔദ്യോഗിക ബഹുമതികളോടെ ഭാഗ്യരാജിന്റെ അന്ത്യയാത്ര ഒരുക്കിയ വിജയുടെ കരുതലിനെക്കുറിച്ചും, തന്റെ വിവാഹനിമിഷങ്ങളിൽ അദ്ദേഹം നൽകിയ പിന്തുണയെക്കുറിച്ചും സോഷ്യൽ മീഡിയയിൽ പങ്കുവെച്ച വൈകാരികമായ കുറിപ്പിലൂടെ ശാന്തനു ഓർമ്മിച്ചു.
Honourable @CMOTamilnadu
உங்களுக்கான என் நன்றியை 26 அல்லது
247-க்குள் எப்படி அடக்கிவிட முடியும்?
மெய்யாகவே என் உயிர் வரை நீடிக்கும் நன்றியிது.
என் திருமணத்திற்கு தாலி எடுத்து தந்து என் மகிழ்ச்சித் திருநாளைத் துவக்கி வைத்தீர்கள். அதற்கே நானின்னும் நன்றி சொல்லித் தீரவில்லை… pic.twitter.com/g3l824pm4T— Shanthnu (@imKBRshanthnu) June 29, 2026
ജീവിതകാലം മുഴുവൻ താൻ വിജയോട് കടപ്പെട്ടിരിക്കുമെന്ന് ശാന്തനു കുറിച്ചു. തന്റെ വിവാഹജീവിതത്തിന് തുടക്കം കുറിച്ചപ്പോൾ താലി എടുത്തു നൽകിയത് വിജയ് ആയിരുന്നുവെന്നും, അച്ഛൻ മരണപ്പെട്ടപ്പോൾ അമ്മയെ ആശ്വസിപ്പിക്കാനായി തന്റെ ഉന്നത പദവികൾ പോലും മറന്ന് വിജയ് അമ്മയ്ക്ക് മുന്നിൽ മുട്ടുകുത്തി ഇരുന്നത് തന്നെ ഏറെ സ്പർശിച്ചുവെന്നും ശാന്തനു പറയുന്നു. ഒരു കലാകാരന് ലഭിക്കാവുന്ന ഏറ്റവും വലിയ ബഹുമതിയാണ് മരണശേഷം ഔദ്യോഗിക ബഹുമതികളോടെയുള്ള അന്ത്യയാത്രയെന്നും അദ്ദേഹം കൂട്ടിച്ചേർത്തു.
ജൂൺ 27-നായിരുന്നു ഹൃദയാഘാതത്തെ തുടർന്ന് കെ. ഭാഗ്യരാജ് അന്തരിച്ചത്. തമിഴ് സിനിമയിലെ എക്കാലത്തെയും മികച്ച തിരക്കഥാകൃത്തും സംവിധായകനുമായ അദ്ദേഹം വിടവാങ്ങിയപ്പോൾ, ആദരാഞ്ജലികൾ അർപ്പിക്കാൻ സിനിമ-രാഷ്ട്രീയ മേഖലകളിലെ നിരവധി പ്രമുഖരാണ് ചെന്നൈയിലെ അദ്ദേഹത്തിന്റെ വസതിയിലെത്തിയത്. ഹൃദയത്തിൽ നിന്നുള്ള നന്ദി അറിയിച്ചുകൊണ്ട് വിജയ്ക്കൊപ്പമുള്ള പഴയ ചിത്രങ്ങളും ശാന്തനു കുറിപ്പിനൊപ്പം പങ്കുവെച്ചിട്ടുണ്ട്.
Summary: Actor Shanthanu Bhagyaraj has expressed his heartfelt gratitude to Tamil Nadu Chief Minister Vijay for his support following the passing of his father, the legendary filmmaker K. Bhagyaraj. In an emotional social media post, Shanthanu recalled Vijay’s personal involvement in ensuring his father received a funeral with state honors. He also reminisced about Vijay’s role in his own life, specifically mentioning that Vijay had handed him the ‘thali’ (wedding necklace) during his marriage. Shanthanu was deeply moved by Vijay kneeling before his mother to console her, and he pledged his lifelong gratitude to him.
