തന്റെ കഴിഞ്ഞകാല വിവാഹജീവിതങ്ങളെക്കുറിച്ച് തുറന്നുപറഞ്ഞ് നടി മീര വാസുദേവൻ. തന്റെ ജീവിതത്തിലെ വിലപ്പെട്ട 17 വർഷങ്ങൾ മൂന്ന് പരാജയപ്പെട്ട വിവാഹങ്ങൾക്കായി പാഴാക്കി കളഞ്ഞതിൽ വലിയ ഖേദമുണ്ടെന്ന് താരം വെളിപ്പെടുത്തി (Meera Vasudevan Marriage Statement). തന്നെ ഗൗരവമായി കാണുകയോ ബഹുമാനിക്കുകയോ ചെയ്യാത്ത ആളുകൾക്കായിട്ടാണ് താൻ സമയം കളഞ്ഞതെന്നും താരം പറഞ്ഞു. ധന്യ വർമ്മയുമായുള്ള അഭിമുഖത്തിനിടെയായിരുന്നു മീരയുടെ ഈ പ്രതികരണം.
ബുദ്ധിപൂർവ്വം പ്രവർത്തിച്ചിരുന്നെങ്കിൽ തന്റെ കരിയറിലും വ്യക്തിജീവിതത്തിലും ഇതിലും വലിയ നേട്ടങ്ങൾ കൈവരിക്കാമായിരുന്നുവെന്ന് താരം വിശ്വസിക്കുന്നു. സിനിമ, ഫിറ്റ്നസ്, നല്ലൊരു സുഹൃദ്വലയം കെട്ടിപ്പടുക്കൽ എന്നിവയിൽ ശ്രദ്ധ കേന്ദ്രീകരിക്കാമായിരുന്നുവെന്നും മാതാപിതാക്കൾക്കും സഹോദരിക്കുമൊപ്പം കൂടുതൽ സമയം ചിലവഴിക്കാമായിരുന്നുവെന്നും മീര കൂട്ടിച്ചേർത്തു. കഴിഞ്ഞകാല തെറ്റുകളെ അംഗീകരിച്ചുകൊണ്ട് തന്നെ, ഇപ്പോൾ ജീവിതത്തിലെ ഏറ്റവും മനോഹരമായ ഘട്ടത്തിലാണെന്നും കരിയറിൽ താൻ ഏറെ സന്തോഷവതിയാണെന്നും മീര പറഞ്ഞു.
‘തന്മാത്ര’യിലൂടെ മലയാളികൾക്ക് പ്രിയങ്കരിയായ മീര വാസുദേവൻ 2005-ൽ വിശാൽ അഗർവാളിനെയാണ് ആദ്യം വിവാഹം കഴിച്ചത്. പിന്നീട് 2012-ൽ നടൻ ജോൺ കൊക്കനെയും 2024-ൽ വിപിൻ പുതിയങ്കത്തെയും വിവാഹം കഴിച്ചെങ്കിലും ഈ ബന്ധങ്ങളെല്ലാം വേർപിരിയലിലായിരുന്നു അവസാനിച്ചത്.
Summary: Actress Meera Vasudevan expressed regret over her three failed marriages, stating she “wasted 17 years” of her life on people who didn’t respect or take her seriously. In a candid interview, she shared that she could have achieved much more in her career and spent better time with her family if she hadn’t focused on those relationships. Currently, the ‘Thanmathra’ star says she is happy and focused on her career.
