മുംബൈ: പ്രായപൂർത്തിയാകാത്ത പെൺകുട്ടിയെ ഫോണിലൂടെ നിരന്തരം ശല്യം ചെയ്യുകയും വഴിയിൽ തടഞ്ഞുനിർത്തി ഉപദ്രവിക്കുകയും ചെയ്ത കേസിൽ പ്രമുഖ ടെലിവിഷൻ താരം രോഹിത് ചന്ദേൽ അറസ്റ്റിലായി (Rohit chandel arrested). മുംബൈയിലെ ഘട്കോപർ പോലീസാണ് താരത്തെ അറസ്റ്റ് ചെയ്തത്. ദഹിസറിലുള്ള ഇയാളുടെ വസതിയിൽ വെച്ചായിരുന്നു നാടകീയമായ അറസ്റ്റ് രേഖപ്പെടുത്തിയത്.
പതിനാറുകാരിയായ പെൺകുട്ടി നൽകിയ പരാതിയുടെ അടിസ്ഥാനത്തിലാണ് പോലീസ് നടപടി. രോഹിത് ചന്ദേൽ തന്നെ നിരന്തരം ഫോണിൽ വിളിച്ച് ശല്യം ചെയ്യാറുണ്ടായിരുന്നുവെന്ന് പെൺകുട്ടിയുടെ പരാതിയിൽ പറയുന്നു. ഇതിനെതിരെ ശക്തമായ എതിർപ്പ് പ്രകടിപ്പിച്ചിട്ടും ഇയാൾ ഫോൺ വഴിയുള്ള ശല്യം ചെയ്യൽ തുടരുകയായിരുന്നു.
തുടർന്ന് ജൂലൈ അഞ്ചിന് പെൺകുട്ടി താമസിക്കുന്ന പ്രദേശത്ത് എത്തിയ രോഹിത് ചന്ദേൽ, കുട്ടിയെ വഴിയിൽ തടഞ്ഞുനിർത്തുകയും വാക്കുതർക്കത്തിലേർപ്പെടുകയും ചെയ്തു. ഇതിനുപിന്നാലെ പെൺകുട്ടിയെ പരസ്യമായി അസഭ്യം പറയുകയും ശാരീരികമായി ഉപദ്രവിക്കുകയും ചെയ്തുവെന്നാണ് പരാതിയിൽ വ്യക്തമാക്കുന്നത്. സംഭവത്തിൽ പോക്സോ (POCSO) വകുപ്പുകൾ ഉൾപ്പെടെ ചുമത്തിയാണ് ഘട്കോപർ പോലീസ് കേസെടുത്തിരിക്കുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്യാനുള്ള നടപടികൾ പുരോഗമിക്കുകയാണെന്ന് പോലീസ് അറിയിച്ചു.
Story Summary: Television actor Rohit Chandel has been arrested by Ghatkopar Police in Mumbai for allegedly harassing and assaulting a 16-year-old girl. According to the complaint, the actor repeatedly harassed her over the phone and later intercepted, abused, and physically assaulted her in public.
