കോട്ടയം: മലയാള സിനിമയിൽ പോലീസ് വേഷങ്ങളിലൂടെ പ്രേക്ഷകർക്ക് സുപരിചിതനായ നടൻ സി. രാജശേഖരൻ നായർ അന്തരിച്ചു. കോട്ടയം ചിങ്ങവനം സ്വദേശിയായ അദ്ദേഹം സിനിമകളിൽ സ്ഥിരമായി പോലീസ് കഥാപാത്രങ്ങളെ അവതരിപ്പിച്ചിരുന്നതിനാൽ സിനിമാ മേഖലയിൽ ‘എസ്.ഐ. രാജശേഖരൻ’ എന്നാണ് അറിയപ്പെട്ടിരുന്നത്.(Malayalam Actor SI Rajasekharan Nair Passes Away In Kottayam)
സംസ്കാരം ഇന്ന് ഉച്ചയ്ക്ക് രണ്ടിന് ചിങ്ങവനത്തെ വീട്ടുവളപ്പിൽ നടക്കും. സംവിധായകരായ ജോഷി, തമ്പി കണ്ണന്താനം എന്നിവരുടെ ചിത്രങ്ങളിലെ സ്ഥിരം സാന്നിധ്യമായിരുന്നു അദ്ദേഹം. ‘രാജാവിന്റെ മകൻ’, ‘സന്ദർഭം’, ‘വഴിയോരക്കാഴ്ചകൾ’, ‘മുദ്ര’, ‘നായർസാബ്’, ‘സേതുരാമയ്യർ സിബിഐ’, ‘നമ്പർ 20 മദ്രാസ് മെയിൽ’, ‘താപ്പാന’ തുടങ്ങി അഞ്ഞൂറോളം സിനിമകളിൽ വേഷമിട്ടിട്ടുണ്ട്. സിനിമകൾക്ക് പുറമെ നിരവധി ടെലിവിഷൻ സീരിയലുകളിലും അദ്ദേഹം അഭിനയിച്ചു.
Story Summary
Veteran Malayalam actor C. Rajasekharan Nair, popularly known as ‘SI Rajasekharan’ for his frequent police roles, has passed away. Famous for his appearances in around 500 movies, including iconic hits by directors Joshiy and Thambi Kannanthanam, his funeral will take place at his residence in Chingavanam, Kottayam.
