മുംബൈ: വിമാനത്താവളത്തിൽ സുരക്ഷാ പരിശോധനയ്ക്കായി കാത്തുനിന്ന യാത്രക്കാരുടെ ക്യൂ മറികടന്ന് മുന്നിലേക്ക് കയറിയ ബോളിവുഡ് താരം കരീന കപൂറിന്റെ വീഡിയോ സോഷ്യൽ മീഡിയയിൽ വലിയ ചർച്ചയാകുന്നു ( Kareena Kapoor Airport Video Viral). വിഐപി പരിഗണനയെയും വിവേചനത്തെയും ചൊല്ലി ഇന്റർനെറ്റ് ലോകം രണ്ട് തട്ടിലായിരിക്കുകയാണ്.
Kareena Kapoor broke the line at the airport and straight away moved to the gate.
Why do celebrities get to do that? Who gave them this entitlement?
Other people who are waiting at the airport also have urgent flights to catch, It’s not fair to everyone. pic.twitter.com/IQ6sm1jXZp
— Sachya (@sachya2002) April 12, 2026
മുംബൈ വിമാനത്താവളത്തിന്റെ പ്രവേശന കവാടത്തിലെ സുരക്ഷാ പരിശോധനയ്ക്കിടെയാണ് സംഭവം. നീണ്ട ക്യൂവിൽ നിന്ന യാത്രക്കാരെ അവഗണിച്ചുകൊണ്ട് താരം നേരിട്ട് ഗേറ്റിനടുത്തേക്ക് പോയി വേഗത്തിൽ ഉള്ളിലേക്ക് കയറുകയായിരുന്നു. ഇതിന്റെ വീഡിയോ എക്സിൽ പ്രചരിച്ചതോടെ 1.4 ദശലക്ഷത്തിലധികം ആളുകൾ ഇത് കാണുകയും നിരവധി പേർ താരത്തിന്റെ നടപടിയെ വിമർശിച്ച് രംഗത്തെത്തുകയും ചെയ്തു. “മറ്റുള്ളവർക്കും അത്യാവശ്യമായി വിമാനം കയറേണ്ടവരുണ്ട്, എന്തുകൊണ്ടാണ് സെലിബ്രിറ്റികൾക്ക് മാത്രം ഈ പ്രത്യേക പരിഗണന?” എന്നായിരുന്നു ഒരു ഉപഭോക്താവിന്റെ ചോദ്യം.
There is a paid service where you too can pay 6000 rupees to do what Kareena did. And probably she too paid for this express service.https://t.co/IUzIvgkMeM https://t.co/zqF9EyBe4G pic.twitter.com/D8Ka98o9Bc
— peeleraja (@peeleraja) April 13, 2026
സാധാരണക്കാരെ പരിഗണിക്കാത്ത വിഐപി സംസ്കാരമാണിതെന്നും ഉദ്യോഗസ്ഥർ അവരെ തടയണമായിരുന്നുവെന്നും പലരും അഭിപ്രായപ്പെട്ടു. സാധാരണക്കാർ നൽകുന്ന പിന്തുണ കൊണ്ടാണ് ഇവർ സെലിബ്രിറ്റികളാകുന്നതെന്നും അത് മറക്കരുതെന്നും ചിലർ ഓർമ്മിപ്പിച്ചു. കരീന കപൂർ വിമാനത്താവളത്തിലെ പണമടച്ചുള്ള വിഐപി സേവനം ഉപയോഗിച്ചതാകാം എന്നാണ് അനുകൂലിക്കുന്നവരുടെ വാദം. ഏകദേശം 6,000 രൂപ നൽകിയാൽ ആർക്കും ഇത്തരം സേവനങ്ങൾ ലഭിക്കുമെന്നും അവർ ചൂണ്ടിക്കാട്ടി. രാഷ്ട്രീയക്കാരും ബിസിനസ്സുകാരും ഇത്തരത്തിൽ സൗകര്യങ്ങൾ ഉപയോഗിക്കുമ്പോൾ ആരും ചോദ്യം ചെയ്യാറില്ലെന്നും ഒരു സ്ത്രീ ഇത്തരം ആനുകൂല്യങ്ങൾ ഉപയോഗിക്കുമ്പോൾ മാത്രം എന്തിനാണ് ഇത്രയേറെ വിമർശനം എന്ന ചോദ്യവും ഉയർന്നു.
Summary: A viral video of actress Kareena Kapoor skipping the security queue at Mumbai Airport has sparked a debate on VIP culture. While many social media users criticized her for exercising “celebrity entitlement,” others defended her, suggesting she might have used a paid express security clearance service. The incident has highlighted the divide in public opinion regarding preferential treatment for celebrities and the use of premium airport services.
