ബോളിവുഡിന്റെ പ്രിയതാരങ്ങളായ ബിപാഷ ബസുവും കരൺ സിംഗ് ഗ്രോവറും വിവാഹിതരായിട്ട് പത്ത് വർഷം തികയുന്നു (Bipasha Basu). പത്താം വിവാഹവാർഷിക ദിനത്തിൽ ഭർത്താവിനോടുള്ള പ്രണയവും നന്ദിയും അറിയിച്ചുകൊണ്ടുള്ള ഹൃദ്യമായ കുറിപ്പാണ് താരം ഇൻസ്റ്റാഗ്രാമിൽ പങ്കുവെച്ചത്. ലോകത്തിലെ ഏറ്റവും സ്നേഹനിധിയായ മനുഷ്യനൊപ്പമുള്ള ആനന്ദകരമായ പത്ത് വർഷങ്ങൾ എന്നാണ് ബിപാഷ ഈ യാത്രയെ വിശേഷിപ്പിച്ചത്.
തങ്ങളുടെ ജീവിതത്തിലെ സുപ്രധാന നിമിഷങ്ങൾ കോർത്തിണക്കിയ ചിത്രങ്ങൾ പങ്കുവെച്ചുകൊണ്ടായിരുന്നു ബിപാഷയുടെ കുറിപ്പ്.
“ദൈവത്തിന് അറിയാമായിരുന്നു എനിക്ക് എന്താണ് വേണ്ടതെന്ന്. പ്രണയവും ലാളിത്യവും നിറഞ്ഞതാണ് എന്റെ ജീവിതം. നീ എന്നും ഞങ്ങളുടെ ജീവിതം സന്തോഷം കൊണ്ട് നിറയ്ക്കുന്നു. ഞാനും മകൾ ദേവിയും ലോകത്തിലെ ഏറ്റവും ഭാഗ്യവതികളായ പെൺകുട്ടികളാണ്. പത്താം ‘മങ്കിവാർഷിക’ (Monkeyversary) ആശംസകൾ പ്രിയപ്പെട്ടവനേ.” – ബിപാഷ കുറിച്ചു.
View this post on Instagram
2014-ൽ പുറത്തിറങ്ങിയ ‘എലോൺ’ എന്ന ഹൊറർ സിനിമയുടെ ചിത്രീകരണ വേളയിലാണ് ബിപാഷയും കരണും ആദ്യമായി കണ്ടുമുട്ടുന്നത്. സെറ്റിൽ വെച്ച് ഉടലെടുത്ത സൗഹൃദം വൈകാതെ പ്രണയത്തിലേക്ക് വഴിമാറി. രണ്ട് വർഷത്തെ പ്രണയത്തിന് ശേഷം 2016 ഏപ്രിലിൽ ഇരുവരും വിവാഹിതരായി. 2022-ലാണ് ദമ്പതികൾക്ക് മകൾ ദേവി ജനിച്ചത്. നിരവധി ആരാധകരും സിനിമാ സുഹൃത്തുക്കളുമാണ് ഈ പ്രിയ ജോഡികൾക്ക് ആശംസകളുമായി രംഗത്തെത്തുന്നത്.
Story Summary: Bollywood actress Bipasha Basu shared a heartfelt note celebrating her 10th wedding anniversary with husband Karan Singh Grover. Expressing gratitude for a decade of love and joy, she called herself and daughter Devi the luckiest girls to have him in their lives.
