വയനാട്: പ്രായപൂർത്തിയാകാത്ത വിദ്യാർത്ഥിയെ ലൈംഗികമായി പീഡിപ്പിക്കുകയും ദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്ത കേസിൽ അധ്യാപകൻ പിടിയിലായി (Wayanad POCSO Case). കോഴിക്കോട് കുറ്റ്യാടി മരുതോങ്കര സ്വദേശി മുപ്പറ്റ കുഴിയിൽ എം. ഫൈസൽ (34) ആണ് തൊണ്ടർനാട് പോലീസിന്റെ പിടിയിലായത്.
സ്കൂളിലെ താൽക്കാലിക അധ്യാപകനായി ജോലി ചെയ്തു വരികയായിരുന്നു ഫൈസൽ. 2026 ഏപ്രിലിലാണ് കേസിനാസ്പദമായ സംഭവം നടന്നത്. കുട്ടിയെ ലൈംഗികാതിക്രമത്തിന് ഇരയാക്കിയ ശേഷം വിവരം പുറത്തുപറയാതിരിക്കാൻ പ്രതി കുട്ടിയെ നിരന്തരം ഭീഷണിപ്പെടുത്തിയിരുന്നു. ദൃശ്യങ്ങൾ എഡിറ്റ് ചെയ്ത് സോഷ്യൽ മീഡിയയിലൂടെ പ്രചരിപ്പിക്കുമെന്നായിരുന്നു അധ്യാപകന്റെ ഭീഷണി.
കുട്ടി വിവരം വീട്ടുകാരെ അറിയിച്ചതോടെയാണ് സംഭവം പുറത്തറിഞ്ഞത്. തുടർന്ന് വീട്ടുകാർ പോലീസിൽ പരാതി നൽകുകയായിരുന്നു. പോക്സോ നിയമപ്രകാരമാണ് പ്രതിക്കെതിരെ കേസെടുത്തിരിക്കുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. സമാനമായ രീതിയിൽ മറ്റ് കുട്ടികളെ ഇയാൾ ചൂഷണം ചെയ്തിട്ടുണ്ടോ എന്ന് പോലീസ് പരിശോധിച്ചു വരികയാണ്.
Story Summary: A 34-year-old temporary teacher, M. Faisal from Kuttiady, was arrested by Thondernad Police in Wayanad for sexually assaulting a minor student. The accused allegedly threatened the victim by claiming he would circulate edited photos on social media if the incident was reported.
