കൊല്ലം: പോക്സോ കേസിൽ ജാമ്യത്തിലിറങ്ങിയ ശേഷം വയോധികയെ പീഡിപ്പിക്കാൻ ശ്രമിച്ച യുവാവ് കുന്നിക്കോട് പോലീസിന്റെ പിടിയിലായി (Kollam Crime News). തലവൂർ അരിങ്ങട സ്വദേശി അനീഷ് കുമാർ (29) ആണ് അറസ്റ്റിലായത്. നിരവധി ക്രിമിനൽ കേസുകളിൽ പ്രതിയായ ഇയാൾ ഒളിവിൽ കഴിയുന്നതിനിടെ നാട്ടുകാരുടെ സഹായത്തോടെയാണ് പോലീസ് പിടികൂടിയത്.
റോഡിലൂടെ നടന്നുപോവുകയായിരുന്ന വയോധികയെ അനീഷ് കുമാർ കടന്നുപിടിക്കുകയായിരുന്നു. വയോധിക ശക്തമായി എതിർത്തതോടെ ഇവരെ സമീപത്തെ വയലിലേക്ക് തള്ളിയിടുകയും വസ്ത്രങ്ങൾ കീറി പീഡിപ്പിക്കാൻ ശ്രമിക്കുകയും ചെയ്തു. ഈ സമയം സ്ഥലത്തെത്തിയ നാട്ടുകാരാണ് വയോധികയെ രക്ഷപ്പെടുത്തിയത്. തുടർന്ന് ഒളിവിൽ പോയ പ്രതിയെ പോലീസ് നടത്തിയ തെരച്ചിലിലാണ് കണ്ടെത്തിയത്.
അറസ്റ്റിലായ അനീഷ് കുമാറിനെതിരെ നിലവിൽ മൂന്ന് പോക്സോ കേസുകൾ നിലവിലുണ്ട്. ഇതിൽ ശിക്ഷിക്കപ്പെട്ട ശേഷം അപ്പീൽ കോടതിയിൽ നിൽക്കുന്ന കേസിലാണ് ഇയാൾക്ക് ജാമ്യം ലഭിച്ചത്. ജാമ്യത്തിലിറങ്ങി വീണ്ടും സമാനമായ കുറ്റകൃത്യങ്ങൾ ആവർത്തിച്ചത് പോലീസും ഗൗരവത്തോടെയാണ് കാണുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Story Summary: Aneesh Kumar (29), an accused in multiple POCSO cases, was arrested by Kunnikode police for attempting to sexually assault an elderly woman in Kollam. After being out on bail, he allegedly attacked the woman and tried to drag her into a field, but locals intervened.
