അയോധ്യ: രാമക്ഷേത്ര നിർമ്മാണത്തിനായുള്ള സംഭാവനകളിൽ കോടികളുടെ ക്രമക്കേട് നടന്നെന്ന പരാതിയിൽ പുതിയ വെളിപ്പെടുത്തലുകൾ. ഭക്തരെ പറ്റിക്കാൻ തട്ടിപ്പുസംഘം ‘ശ്രീരാം ജന്മഭൂമി തീർത്ഥക്ഷേത്ര ട്രസ്റ്റിന്റെ’ പേരും ഔദ്യോഗിക ലോഗോയും അടങ്ങിയ വ്യാജ രസീത് ബുക്കുകൾ ഉപയോഗിച്ചിരുന്നതായി അന്വേഷണസംഘം കണ്ടെത്തി. കേസിൽ അറസ്റ്റിലായ പ്രതികളെ ചോദ്യം ചെയ്തപ്പോഴാണ് ഞെട്ടിക്കുന്ന തട്ടിപ്പിന്റെ വിവരങ്ങൾ പുറത്തുവന്നത്.(Ayodhya Ram Temple Donation Scam, Fake Receipt Books With Official Logo Recovered In Investigation)
അയോധ്യ സന്ദർശിക്കുന്ന ഭക്തരിൽ നിന്ന് രാമക്ഷേത്ര നിർമ്മാണത്തിനെന്ന പേരിൽ പണം വാങ്ങി, ട്രസ്റ്റിന്റേതിന് സമാനമായ വ്യാജ രസീതുകൾ നൽകുകയായിരുന്നു ഇവരുടെ രീതി. തിന്നു യാദവ്, ലവ് കുഷ്, കരുണേഷ്, അനുകൽപ് എന്നിവരടങ്ങുന്ന സംഘമാണ് തട്ടിപ്പിന് പിന്നിലെന്നാണ് സൂചന. എന്നാൽ, പേപ്പർ രസീതുകൾക്ക് പകരം ട്രസ്റ്റ് ഡിജിറ്റൽ രസീത് സംവിധാനം നിർബന്ധമാക്കിയതോടെയാണ് വ്യാജ രസീത് ബുക്കുകൾ വഴിയുള്ള തട്ടിപ്പ് സംഘത്തിന് അവസാനിപ്പിക്കേണ്ടി വന്നത്. പിടിച്ചെടുത്ത രസീത് ബുക്കുകൾ പരിശോധിച്ച് എത്രപേർക്ക് പണം നഷ്ടമായിട്ടുണ്ടെന്നും എത്ര തുക തട്ടിയെടുത്തിട്ടുണ്ടെന്നും കണ്ടെത്താനുള്ള ശ്രമത്തിലാണ് പൊലീസ്.
കഴിഞ്ഞ ദിവസങ്ങളിൽ ക്ഷേത്രത്തിലെ പണം എണ്ണുന്ന ജീവനക്കാർ ഉൾപ്പെടെയുള്ളവർ സംഭാവനയായി ലഭിച്ച തുക ട്രസ്റ്റിന്റെ ഔദ്യോഗിക അക്കൗണ്ടിലേക്ക് മാറ്റാതെ തട്ടിയെടുത്തതായി കണ്ടെത്തിയിരുന്നു. സി.സി.ടി.വി ക്യാമറകൾക്ക് മുൻപിൽ വച്ച് പണം എണ്ണുമ്പോൾ ഉദ്യോഗസ്ഥരുടെ കണ്ണുവെട്ടിച്ച് ശുചിമുറികളിൽ പണം ഒളിപ്പിക്കുകയും, ഷിഫ്റ്റ് അവസാനിക്കുമ്പോൾ ഇത് കടത്തുകയുമായിരുന്നു ഇവരുടെ രീതി. ഈ വിവാദങ്ങൾക്ക് പിന്നാലെ ട്രസ്റ്റ് ജനറൽ സെക്രട്ടറി ചമ്പത് റായ് രാജി വെച്ചിരുന്നു. സംഭവത്തിൽ അന്വേഷണം ശക്തമാക്കിയ ട്രസ്റ്റ്, പണം എണ്ണുന്ന മുറിയിൽ പോക്കറ്റില്ലാത്ത വസ്ത്രങ്ങൾ നിർബന്ധമാക്കുകയും സി.സി.ടി.വി നിരീക്ഷണം കൂട്ടുകയും ചെയ്തിട്ടുണ്ട്.
Story Summary
Investigators probing the Ayodhya Ram Temple donation scam have recovered fake receipt books carrying the official logo of the Shri Ram Janmabhoomi Teerth Kshetra Trust. The accused confessed to duping devotees by issuing counterfeit paper receipts, a practice they halted after the Trust transitioned to a fully digital, online receipt system.
