കൊച്ചി: സംസ്ഥാനത്ത് സ്വർണവിലയിൽ തുടർച്ചയായ രണ്ടാം ദിവസവും ഇടിവ് രേഖപ്പെടുത്തി (Gold rate Kerala today). ഗ്രാമിന് 40 രൂപയും പവന് 320 രൂപയുമാണ് ഇന്ന് കുറഞ്ഞത്. ഇതോടെ വിപണിയിൽ ഒരു ഗ്രാം സ്വർണത്തിന്റെ വില 14,580 രൂപയായും, ഒരു പവൻ സ്വർണത്തിന്റെ വില 1,16,640 രൂപയായും താഴ്ന്നു.
അതേസമയം, സാധാരണക്കാർ കൂടുതലായി ആശ്രയിക്കുന്ന 18 കാരറ്റ് ലൈറ്റ് വെയിറ്റ് സ്വർണത്തിന്റെ വിലയിലും ഇടിവുണ്ടായിട്ടുണ്ട്. ഗ്രാമിന് 30 രൂപ കുറഞ്ഞ് 11,980 രൂപയിലാണ് ഇന്ന് 18 കാരറ്റ് സ്വർണത്തിന്റെ വ്യാപാരം പുരോഗമിക്കുന്നത്.
കഴിഞ്ഞ മൂന്ന് ദിവസമായി വിപണിയിൽ ദൃശ്യമായ വൻ കുതിപ്പിന് ശേഷമാണ് വെള്ളിയാഴ്ച മുതൽ സ്വർണവില താഴേക്ക് ഇറങ്ങാൻ തുടങ്ങിയത്. വെള്ളിയാഴ്ചയും ഗ്രാമിന് 40 രൂപയും പവന് 320 രൂപയും കുറഞ്ഞിരുന്നു.
Story Summary: Gold prices in Kerala witnessed a decline for the second consecutive day, with a drop of ₹320 per sovereign (pavan). The current market rate for 22-carat gold stands at ₹14,580 per gram and ₹1,16,640 per sovereign.
