ശിവമോഗ: ക്ഷേത്ര ദർശനത്തിനെത്തിയ വയോധികൻ ലിഫ്റ്റിൽ കുടുങ്ങി ദാരുണമായി കൊല്ലപ്പെട്ടു. കർണാടക ശിവമോഗയിലെ വിനായക നഗറിലുള്ള ദത്താത്താത്രേയ സ്വാമി ക്ഷേത്രത്തിലാണ് അപകടമുണ്ടായത്. റിട്ടയേർഡ് എൻജിനീയറായ കുമാരസ്വാമി (80) ആണ് മരിച്ചത്.(Retired Engineer Dies After Being Trapped in Elevator at Shivamogga Temple)
ഞായറാഴ്ച രാവിലെ പതിവ് പ്രാർത്ഥനകൾക്കായി ക്ഷേത്രത്തിലെത്തിയതായിരുന്നു കുമാരസ്വാമി. ലിഫ്റ്റ് ഉപയോഗിക്കുന്നതിനായി ബട്ടൺ അമർത്തി അകത്തുകയറാൻ ശ്രമിക്കുന്നതിനിടെ സാങ്കേതിക തകരാറിനെ തുടർന്ന് അദ്ദേഹം ലിഫ്റ്റിനടിയിൽപ്പെടുകയായിരുന്നു. ഗുരുതരമായി പരിക്കേറ്റ ഇദ്ദേഹത്തെ ഫയർഫോഴ്സും എമർജൻസി സർവീസ് ജീവനക്കാരും എത്തിയാണ് പുറത്തെടുത്തത്.
ഉടൻ തന്നെ സമീപത്തെ മക്ഗാൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിലെത്തിക്കും മുൻപേ അദ്ദേഹം മരിച്ചതായി ഡോക്ടർമാർ സ്ഥിരീകരിച്ചു. സംഭവത്തിൽ കുമാരസ്വാമിയുടെ ഭാര്യ ലളിത കുമാരസ്വാമി നൽകിയ പരാതിയുടെ അടിസ്ഥാനത്തിൽ ജയനഗർ പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു.
Story Summary
An 80-year-old retired engineer, Kumaraswamy, tragically died after getting trapped beneath an elevator at the Dattatreya Swamy Temple in Shivamogga, Karnataka. He was rushed to McGann Hospital by emergency personnel but was declared dead on arrival. Police have registered an Unnatural Death Report and are investigating potential mechanical failures or negligence.
