ചെന്നൈ: കോൺഗ്രസിന്റെ അടിസ്ഥാനതല സംഘടനാ ശക്തി വർദ്ധിപ്പിക്കുന്നതിനായി നടപ്പിലാക്കുന്ന “സംഘടനാ സൃജൻ അഭിയാൻ” പരിപാടിയുടെ ഭാഗമായി മുൻ കോൺഗ്രസ് അധ്യക്ഷൻ രാഹുൽ ഗാന്ധി ശനിയാഴ്ച തമിഴ്നാട് സന്ദർശിക്കും.(Rahul Gandhi to Visit Tamil Nadu For Congress Sangathan Srijan Abhiyan Camp)
തമിഴ്നാട് ജില്ലാ കോൺഗ്രസ് കമ്മറ്റി പ്രസിഡന്റുമാർക്കായി മഹാബലിപുരത്ത് വച്ച് ജൂലൈ 23 മുതൽ ഓഗസ്റ്റ് 1 വരെ സംഘടിപ്പിച്ച 10 ദിവസം നീണ്ടുനിന്ന പരിശീലന ക്യാമ്പിന്റെ സമാപന സമ്മേളനത്തിൽ അദ്ദേഹം പാർട്ടി ഭാരവാഹികളെ അഭിസംബോധന ചെയ്ത് സംസാരിക്കും.
ശനിയാഴ്ച രാവിലെ 11 മണിയോടെ ചെന്നൈയിലെത്തുന്ന രാഹുൽ ഗാന്ധി, മഹാബലിപുരത്ത് നടക്കുന്ന പാർട്ടി ചടങ്ങിൽ പങ്കെടുത്ത ശേഷം വൈകുന്നേരം 6 മണിയോടെ ഡൽഹിയിലേക്ക് മടങ്ങുമെന്ന് എ.ഐ.സി.സി ജനറൽ സെക്രട്ടറിയും തമിഴ്നാടിന്റെ ചുമതലയുള്ള നേതാവുമായ ഗുലാം അഹമ്മദ് മീർ, ടി.എൻ.സി.സി അധ്യക്ഷൻ ബി. മാണിക്കം ടാഗോർ എന്നിവർ മാധ്യമങ്ങളോട് വ്യക്തമാക്കി.
Story Summary
Congress leader Rahul Gandhi is visiting Tamil Nadu on Saturday to participate in the valedictory session of the 10-day party training camp “Sangathan Srijan Abhiyan” for DCC presidents at Mamallapuram near Chennai.
