ബല്ലാരി: കർണാടകയിലെ ബല്ലാരിയിൽ കുടുംബവഴക്കിനെത്തുടർന്ന് യുവാവ് ഭാര്യയെയും ഏഴുമാസം പ്രായമുള്ള പിഞ്ചുകുഞ്ഞിനെയും ചുറ്റികകൊണ്ട് അടിച്ചുകൊന്നു. രാജേശ്വരി, മകൾ അഷ്ബിനി എന്നിവരാണ് കൊല്ലപ്പെട്ടത്. സംഭവത്തിനുശേഷം ഒളിവിൽപോയ ഭർത്താവ് ഹൊന്നൂരു സ്വാമിക്കായി പോലീസ് തിരച്ചിൽ ആരംഭിച്ചു.(Ballari Man Kills Wife And Infant Daughter With Hammer Absconds)
കഴിഞ്ഞ കുറച്ചുദിവസങ്ങളായി കുടുംബത്തിൽ നിരന്തരം വഴക്കുണ്ടായിരുന്നതായി റിപ്പോർട്ട് ചെയ്തു. വ്യാഴാഴ്ച രാത്രി വൈകി ഉണ്ടായ തർക്കമാണ് ദാരുണമായ കൊലപാതകത്തിൽ കലാശിച്ചത്. തർക്കത്തിനിടയിൽ ആക്രമാസക്തനായ പ്രതി, ഭാര്യയെയും മകളെയും ചുറ്റികകൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. രണ്ടുപേരും സംഭവസ്ഥലത്തുതന്നെ മരിച്ചു.
വിവരമറിഞ്ഞതിനെത്തുടർന്ന് എ.പി.എം.സി പോലീസ് സ്റ്റേഷനിൽനിന്നുള്ള സംഘം സ്ഥലത്തെത്തി മേൽനടപടികൾ സ്വീകരിച്ചു. മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. കൊലപാതകത്തിന് പിന്നിലെ കൃത്യമായ കാരണം വ്യക്തമായിട്ടില്ല. സംഭവത്തിൽ കേസെടുത്ത പോലീസ്, ഒളിവിൽ പോയ പ്രതിക്കായി തെരച്ചിൽ ഊർജിതമാക്കിയിട്ടുണ്ട്.
Story Summary
A man in Ballari allegedly murdered his wife and seven-month-old daughter with a hammer following a domestic dispute. Police have launched a manhunt for the absconding husband, Honnooru Swamy, while an investigation is underway.
