സോൾ: ദക്ഷിണ കൊറിയയിലെ പ്രമുഖ അമേരിക്കൻ വ്യോമസേനാ താവളമായ ഓസാൻ എയർ ബേസിൽ വിഷ പദാർത്ഥമായ വൈറ്റ് ഫോസ്ഫറസ് ചോർന്നു. ചൊവ്വാഴ്ചയുണ്ടായ സംഭവത്തെ തുടർന്ന് സൈനിക താവളത്തിന് സമീപമുള്ള പ്രദേശവാസികളെ സുരക്ഷിത സ്ഥാനങ്ങളിലേക്ക് മാറ്റാൻ അധികൃതർ ഉത്തരവിട്ടതായി ദക്ഷിണ കൊറിയൻ സുരക്ഷാ മന്ത്രാലയം അറിയിച്ചു.(US Osan Air Base South Korea White Phosphorus Leak Evacuation)
സംഭവത്തിൽ ആർക്കും പരിക്കുകളോ ജീവഹാനിയോ റിപ്പോർട്ട് ചെയ്തിട്ടില്ല. ദക്ഷിണ കൊറിയൻ അഗ്നിശമന സേനയും യു.എസ് സൈന്യവും ചേർന്ന് പ്രദേശം ശുദ്ധീകരിച്ചതിനെ തുടർന്ന് അരമണിക്കൂറിനുശേഷം ഒഴിപ്പിക്കൽ നിർദ്ദേശം പിൻവലിച്ചു.
സൈനിക താവളത്തിനുള്ളിലുണ്ടായ സാങ്കേതിക തകരാറാണ് ചോർച്ചയ്ക്ക് കാരണമെന്ന് യു.എസ് വ്യോമസേന പ്രസ്താവനയിൽ വ്യക്തമാക്കി. സുരക്ഷ മുൻനിർത്തി 1,000 അടി ചുറ്റളവിൽ ഉടൻ തന്നെ സുരക്ഷാ വലയം തീർത്തതായും സ്ഥിതിഗതികൾ വേഗത്തിൽ നിയന്ത്രണവിധേയമാക്കിയതായും വ്യോമസേനാ വക്താവ് അറിയിച്ചു. ആയുധശേഖരവുമായി ബന്ധപ്പെട്ട അപകടത്തിലാണ് കെമിക്കൽ ചോർച്ചയുണ്ടായതെന്നാണ് നിഗമനം.
Story Summary
A white phosphorus leak at the U.S. Osan Air Base in South Korea prompted brief neighborhood evacuations before being safely contained. No casualties were reported, and South Korean fire officials alongside U.S. forces decontaminated the area, lifting the evacuation notice within 30 minutes following what officials described as a munitions-related mishap.
