തിരുവനന്തപുരം: സിപിഎം നേതാവ് പി.കെ. ശ്രീമതിക്കെതിരെ സമൂഹമാധ്യമങ്ങളിലൂടെ പ്രചരിച്ച വ്യാജവാർത്തകളുമായി ബന്ധപ്പെട്ട കേസിൽ പൊലീസ് അന്വേഷണം കൂടുതൽ ഊർജിതമാക്കി. അന്വേഷണത്തിന്റെ ഭാഗമായി സൈബർ പൊലീസ് പി.കെ. ശ്രീമതിയുടെ മൊഴി രേഖപ്പെടുത്തി.
ഇന്ന് രാവിലെ 9.30ഓടെ ആലക്കോട് സൈബർ പൊലീസ് സംഘമാണ് പരാതിക്കാരിയുടെ മൊഴിയെടുത്തത്. അന്വേഷണ പുരോഗതി സംബന്ധിച്ച റിപ്പോർട്ട് അന്വേഷണ ചുമതലയുള്ള ഐജി പി. പ്രകാശിന് ഉടൻ സമർപ്പിക്കുമെന്ന് പൊലീസ് വൃത്തങ്ങൾ അറിയിച്ചു.
വ്യാജപ്രചാരണങ്ങൾ തനിക്ക് കടുത്ത മാനസിക ബുദ്ധിമുട്ടുണ്ടാക്കിയെന്ന് മൊഴിയിൽ പി.കെ. ശ്രീമതി വ്യക്തമാക്കിയതായാണ് വിവരം. സമൂഹത്തിൽ തെറ്റായ വിവരങ്ങൾ പ്രചരിപ്പിച്ചവർക്കെതിരെ ശക്തമായ നിയമനടപടി സ്വീകരിക്കണമെന്നും അവർ ആവശ്യപ്പെട്ടിട്ടുണ്ട്.
സംഭവത്തിന് പിന്നിലുള്ളവരെ കണ്ടെത്തുന്നതിനായി ഡിജിറ്റൽ തെളിവുകളും സാമൂഹ്യമാധ്യമങ്ങളിലെ പ്രചാരണങ്ങളും വിശദമായി പരിശോധിച്ചുവരികയാണെന്ന് അന്വേഷണ സംഘം അറിയിച്ചു.
Story Summary:
Cyber Police have intensified the investigation into the fake news campaign targeting CPM leader P.K. Sreemathi and recorded her statement. Police are examining digital evidence to identify those responsible for spreading the misinformation.
