കൊല്ലം: കൊല്ലം പുന്തലത്താഴത്ത് അമ്മയെയും രണ്ട് പിഞ്ചുകുഞ്ഞുങ്ങളെയും വീട്ടിൽ നിന്നും കാണാതായിട്ട് അഞ്ച് ദിവസം പിന്നിടുന്നു (Kollam missing case). പുന്തലത്താഴം സ്വദേശിനി രമ്യ സോമൻ, മകൻ വൈഷ്ണവ് (12), മകൾ രുദ്ര (3.5) എന്നിവരെയാണ് കഴിഞ്ഞ ശനിയാഴ്ച മുതൽ കാണാതായത്.
ശനിയാഴ്ച രാവിലെ വീട്ടിൽ നിന്നും സ്വന്തം കാറിൽ കടവൂർ ക്ഷേത്രത്തിലേക്ക് പോയ ഇവർ പിന്നീട് തിരിച്ചെത്തിയില്ല. തുടർന്ന് ബന്ധുക്കൾ നൽകിയ പരാതിയുടെ അടിസ്ഥാനത്തിൽ ഇരവിപുരം പോലീസ് കേസെടുത്ത് അന്വേഷണം ആരംഭിക്കുകയായിരുന്നു.
പോലീസ് നടത്തിയ സി.സി.ടി.വി (CCTV) ദൃശ്യങ്ങളുടെ പരിശോധനയിൽ ഇവർ സഞ്ചരിച്ച കാർ തെൻമല ഭാഗത്തേക്ക് പോകുന്നതിന്റെ ദൃശ്യങ്ങൾ ലഭിച്ചിട്ടുണ്ട്. ഇതേത്തുടർന്ന് തമിഴ്നാട് അതിർത്തി കേന്ദ്രീകരിച്ചും അയൽ സംസ്ഥാനങ്ങളിലേക്കും പോലീസിന്റെ അന്വേഷണം വിപുലമാക്കിയിട്ടുണ്ടെന്ന് ഇരവിപുരം പോലീസ് അറിയിച്ചു.
Story Summary:
A mother and her two children have been missing for five days from Punthalathazham, Kollam. The family went missing after leaving home in their car for a temple visit. Police tracked their vehicle near Thenmala and extended the search to Tamil Nadu.
