തൃശൂർ: തൃശൂർ പീച്ചി ഡാമിന് സമീപം നേരിയ ഭൂചലനം അനുഭവപ്പെട്ടതായി റിപ്പോർട്ട് (Thrissur peechi earthquake). പീച്ചി ഡാമിന് സമീപമുള്ള തെക്കേകുളം, ജണ്ടമുക്ക് എന്നീ ഭാഗങ്ങളിലാണ് ഭൂമിക്കടിയിൽ നിന്നുള്ള പ്രകമ്പനവും മുഴക്കവും അനുഭവപ്പെട്ടത്. ഇന്ന് വൈകുന്നേരം 6.05-ഓടെയാണ് സംഭവം.
ഭൂമിക്കടിയിൽ നിന്ന് വലിയൊരു മുഴക്കവും ഒപ്പം പ്രകമ്പനവും ഉണ്ടായതായി പ്രദേശവാസികൾ പറഞ്ഞു. പെട്ടെന്ന് ഉണ്ടായ സംഭവത്തിൽ നാട്ടുകാർ ആശങ്കയിലായി വീടുകളിൽ നിന്നും പുറത്തേക്ക് ഇറങ്ങുകയായിരുന്നു. എന്നാൽ സംഭവത്തിൽ ഇതുവരെ ആളപായമോ മറ്റ് ഭൗതിക നാശനഷ്ടങ്ങളോ റിപ്പോർട്ട് ചെയ്തിട്ടില്ല. അധികൃതർ സ്ഥിതിഗതികൾ നിരീക്ഷിച്ചു വരികയാണ്.
Story Summary: A mild earthquake accompanied by a loud underground noise and tremor was felt near the Peechi Dam in Thrissur at around 6:05 PM today. The tremor, reported in the Thekkekulam and Jandamukku areas, caused panic among local residents, though no casualties or damages have been reported.
