സോഷ്യൽ മീഡിയയിൽ താൻ പങ്കുവെച്ച തന്റെ പുതിയ വീഡിയോയ്ക്ക് നേരെ ഉയർന്ന അധിക്ഷേപ കമന്റുകൾക്ക് മറുപടിയുമായി നടി അന്ന രാജൻ (Anna Rajan on Social Media Backlash). “ആകാംക്ഷയിൽ ഒരു റീൽ ഇട്ടത് മാത്രമേ ഓർമയുള്ളൂ. ചീത്ത കമന്റ്സ് ഇട്ട എല്ലാവരുടെയും അമ്മയ്ക്കും അപ്പനും സുഖമാണെന്നു കരുതുന്നു. നന്ദി എല്ലാവർക്കും,” എന്നാണ് താരം തന്റെ ഇൻസ്റ്റാഗ്രാം സ്റ്റോറിയിലൂടെ കുറിച്ചത്.
കടുത്ത അർജന്റീന ആരാധികയായ അന്ന, ടീമിന്റെ ജഴ്സി അണിഞ്ഞുള്ള വീഡിയോയും സബ്സ്ക്രിപ്ഷന്റെ ഭാഗമായി മറ്റൊരു ഗ്ലാമർ റീലും സമൂഹമാധ്യമങ്ങളിൽ പങ്കുവെച്ചിരുന്നു. ഇതിന് പിന്നാലെ നിരവധി പേർ മോശം കമന്റുകളുമായി എത്തിയതോടെ താരം വീഡിയോയുടെ കമന്റ് ബോക്സ് നീക്കം ചെയ്യുകയായിരുന്നു. അങ്കമാലി ഡയറീസിലെ ‘ലിച്ചി’ എന്ന കഥാപാത്രത്തിലൂടെ ശ്രദ്ധേയയായ അന്ന, ഇത്തരം സൈബർ ആക്രമണങ്ങൾക്കെതിരെ ശക്തമായ നിലപാടാണ് സ്വീകരിച്ചിരിക്കുന്നത്. നേരത്തെയും അർജന്റീന ജഴ്സി ധരിച്ചുള്ള താരത്തിന്റെ വീഡിയോകൾ സമൂഹമാധ്യമങ്ങളിൽ ശ്രദ്ധ നേടിയിട്ടുണ്ട്.
Summary: Actress Anna Rajan has hit back at netizens who posted abusive comments on her recent Instagram reels, including one featuring her wearing an Argentina jersey and a glamour-themed reel. Addressing the backlash, the actress sarcastically remarked that she hopes the parents of those leaving negative comments are doing well, eventually leading her to disable the comment section on the posts.
