തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി കടുത്തതോടെ താൽക്കാലിക ആശ്വാസമായി കമ്പനികളിൽ നിന്നുള്ള വൈദ്യുതി ഇന്ന് മുതൽ ലഭ്യമായിത്തുടങ്ങും. റഗുലേറ്ററി കമ്മീഷന്റെ അനുമതി ലഭിച്ചതോടെയാണ് 200 മെഗാവാട്ട് വൈദ്യുതി ഇന്ന് മുതൽ കെഎസ്ഇബിക്ക് ലഭിക്കുന്നത്.(Kerala Power Crisis KSEB Gets 200 MW Additional Electricity No Power Cut On World Cup Final Day)
വരും ദിവസങ്ങളിൽ സംസ്ഥാനത്ത് വൈദ്യുതി നിയന്ത്രണം ഒഴിവാക്കാനുള്ള ശ്രമങ്ങൾ ബോർഡ് ഊർജ്ജിതമാക്കിയിട്ടുണ്ട്. അതേസമയം, ലോകകപ്പ് ഫുട്ബോൾ ഫൈനൽ മത്സരം നടക്കുന്നതിനാൽ ഇന്ന് സംസ്ഥാനത്ത് ഒരിടത്തും വൈദ്യുതി നിയന്ത്രണം ഉണ്ടാകില്ല.
യൂണിറ്റിന് 5.96 രൂപ നിരക്കിലാണ് ദിവസം മുഴുവൻ ഈ കമ്പനികളിൽ നിന്ന് വൈദ്യുതി വാങ്ങുന്നത്. പുതിയ കരാർ വഴി വൈദ്യുതി ലഭിക്കുന്നതോടെ നിലവിലെ പ്രതിസന്ധിക്ക് താൽക്കാലിക ശമനമുണ്ടാകുമെന്നാണ് കെഎസ്ഇബിയുടെ പ്രതീക്ഷ. വരാനിരിക്കുന്ന ഓണക്കാലം കൂടി മുന്നിൽക്കണ്ട് അടുത്ത മാസം ആരംഭിക്കുന്നതിന് മുൻപ് തന്നെ പ്രതിസന്ധി പരിഹരിക്കാനാണ് ലക്ഷ്യമിടുന്നത്. അതിനിടെ, സംസ്ഥാനത്തെ വൈദ്യുതി നിയന്ത്രണത്തിൽ ആശങ്കയറിയിച്ച് വൈദ്യുതി റെഗുലേറ്ററി കമ്മീഷൻ രംഗത്തെത്തി.
Story Summary
Kerala’s power crisis gets temporary relief as the state begins receiving 200 MW of power from NTPC and Power Plus Trading Solutions at ₹5.96 per unit following regulatory approval. KSEB has confirmed there will be no power cuts today due to the World Cup football final.
