ന്യൂഡൽഹി: പശ്ചിമ ബംഗാളിൽ മമതാ ബാനർജിയുടെ നേതൃത്വത്തിലുള്ള തൃണമൂൽ കോൺഗ്രസ് ഭരണത്തിൽ നിന്ന് പുറത്തായതിന് പിന്നാലെ പാർട്ടിയിൽ പ്രതിസന്ധി രൂക്ഷമാകുന്നു. തൃണമൂൽ കോൺഗ്രസ് എംപി രുക്മിണി ‘കോയൽ’ മല്ലിക് രാജ്യസഭാംഗത്വം രാജിവെച്ചു. ജൂലൈ 16 വ്യാഴാഴ്ച രാജ്യസഭാ ചെയർമാനെ നേരിൽ കണ്ട് അവർ രാജിപ്പത്രം സമർപ്പിച്ചു.(TMC MP Rukmini Koel Mallick Resigns From Rajya Sabha Adding To Party Crisis In West Bengal)
തന്റെ രാജ്യസഭാംഗത്വം ഉടനടി പ്രാബല്യത്തോടെ സ്വീകരിക്കണമെന്ന് രാജിപ്പത്രത്തിൽ ആവശ്യപ്പെട്ട അവർ, തന്റെ കാലാവധിയിൽ സഹകരിച്ച രാജ്യസഭാ ഡെപ്യൂട്ടി ചെയർമാനോടും മറ്റ് ഉദ്യോഗസ്ഥരോടും നന്ദി രേഖപ്പെടുത്തി. ബംഗാളിൽ ഭരണം നഷ്ടപ്പെട്ടതിന് ശേഷം രാജ്യസഭാംഗത്വം രാജിവെയ്ക്കുന്ന നാലാമത്തെ തൃണമൂൽ കോൺഗ്രസ് എംപിയാണ് രുക്മിണി മല്ലിക്.
നേരത്തെ സുഖേന്ദു ശേഖർ റോയ്, സുസ്മിത ദേവ്, പ്രകാശ് ചിക് ബരാക് എന്നിവർ രാജ്യസഭയിൽ നിന്ന് രാജിവെച്ചിരുന്നു. മുതിർന്ന നേതാവ് മദൻ മിത്ര പാർട്ടി വിട്ട് വിമത പക്ഷത്ത് ചേർന്നതിന് പിന്നാലെയാണ് ഇപ്പോൾ എംപിയുടെ രാജി എന്നതും തൃണമൂലിന് കനത്ത തിരിച്ചടിയായിട്ടുണ്ട്.
Story Summary
Trinamool Congress (TMC) MP Rukmini ‘Koel’ Mallick resigned from the Rajya Sabha on Thursday, July 16, 2026. She is the fourth TMC MP to step down from the Upper House following the party’s ouster from power in West Bengal, joining Sukhendu Shekhar Ray, Susmita Dev, and Prakash Chik Baraik who resigned earlier.
