നടൻ രവി മോഹന്റെ വിവാഹമോചനത്തിന് പിന്നാലെ സൈബർ ആക്രമണങ്ങൾക്കിരയായ ഗായിക കെനിഷ ഫ്രാൻസിസ് വിവാദങ്ങളോട് പ്രതികരിക്കുന്നു. രവി മോഹന്റെ കൂട്ടുകാരി എന്ന പേരിൽ നിരന്തരം അധിക്ഷേപങ്ങൾ നേരിടേണ്ടി വന്നതോടെയാണ് സോഷ്യൽ മീഡിയയിൽ നിന്ന് താൻ താൽക്കാലികമായി വിട്ടുനിന്നതെന്ന് കെനിഷ ഒരു വനിതാ മാഗസിന് നൽകിയ അഭിമുഖത്തിൽ വ്യക്തമാക്കി. (Keneeshaa Francis Ravi Mohan controversy)
“രവി മോഹൻ എനിക്കെല്ലാമാണ്, എന്നാൽ അങ്ങനെയൊന്നുമായിട്ടല്ല. ഞങ്ങൾ ഒരു ഓഡിയോ ലോഞ്ചിനിടെയാണ് പരിചയപ്പെട്ടത്. മാനസികമായ പ്രയാസങ്ങൾ നേരിട്ടപ്പോൾ പ്രൊഫഷണൽ സഹായത്തിനായി അദ്ദേഹം എന്നെ സമീപിക്കുകയായിരുന്നു. അത് പിന്നീട് സൗഹൃദമായി മാറി. അദ്ദേഹത്തെയും എന്നെയും ചുറ്റിപ്പറ്റി വരുന്ന അഭ്യൂഹങ്ങളും പരിഹാസങ്ങളും അദ്ദേഹത്തെ ഏറെ വേദനിപ്പിക്കുന്നുണ്ട്. അതുകൊണ്ടാണ് ഞാൻ നിശബ്ദത പാലിക്കാൻ തീരുമാനിച്ചത്” – കെനിഷ പറഞ്ഞു.
സമൂഹമാധ്യമങ്ങൾ വ്യക്തിഹത്യ നടത്തുന്ന ഇടമായി മാറിയെന്നും, മുൻവിധിയോടെ സമീപിക്കുന്ന ഒരു കൂട്ടം ആളുകൾക്കിടയിൽ നിൽക്കാൻ പ്രയാസമാണെന്നും അവർ കൂട്ടിച്ചേർത്തു. ഒന്നിച്ച് ഒരു വെൽനസ് ഫീലിങ് സെന്റർ തുടങ്ങാനുള്ള തയ്യാറെടുപ്പിലാണ് തങ്ങളെന്നും ഗായിക വ്യക്തമാക്കി.
അതേസമയം, സംഗീത മേഖലയിൽ സജീവമായ കെനിഷ മലയാള സിനിമയിലേക്ക് അരങ്ങേറാൻ ഒരുങ്ങുകയാണ്. വിഷ്ണു വിജയ് സംഗീത സംവിധാനം നിർവഹിക്കുന്ന ‘മഡ് ഹൗസ്’ എന്ന ചിത്രത്തിലൂടെയാണ് താരം മലയാളത്തിൽ എത്തുന്നത്. സോഷ്യൽ മീഡിയയിൽ നിന്ന് താൽക്കാലിക ബ്രേക്ക് എടുത്താലും പുതിയ ഗാനങ്ങളുമായി ഉടൻ തന്നെ തിരിച്ചെത്തുമെന്നും കെനിഷ ഉറപ്പുനൽകി.
Summary: Singer Keneeshaa Francis has opened up about the cyberbullying she faced following actor Ravi Mohan’s divorce controversy, clarifying that her relationship with him began professionally before growing into a friendship. While acknowledging the difficulty of navigating toxic social media spaces, she announced her plan to return with new musical projects and revealed her upcoming Malayalam film debut in ‘Mud House’.
