കൊളംബോ: ശ്രീലങ്കയിലെ നെഗോംബോ ജയിലിലുണ്ടായ അതിഭീകരമായ കലാപത്തിൽ 26 പേർ കൊല്ലപ്പെട്ടു. ജയിലിലെ രണ്ട് തടവുകാരുടെ സംഘങ്ങൾ തമ്മിലുണ്ടായ സംഘർഷത്തിൽ ഏഴ് ജയിൽ ഉദ്യോഗസ്ഥരും 19 തടവുകാരുമാണ് മരിച്ചത് (Sri Lanka Negombo Prison Riot). കഴിഞ്ഞ രണ്ട് ദിവസമായി നീണ്ടുനിന്ന സംഘർഷം ഒടുവിൽ വൻ ദുരന്തത്തിലാണ് കലാശിച്ചത്. തലസ്ഥാനമായ കൊളംബോയിൽ നിന്ന് ഏകദേശം 35 കിലോമീറ്റർ അകലെയുള്ള തീരദേശ നഗരമായ നെഗോംബോയിലെ ജയിലിലാണ് സംഭവം നടന്നത്.
സംഘർഷം നിയന്ത്രിക്കാനെത്തിയ ജയിൽ ഉദ്യോഗസ്ഥരെ തടവുകാർ ഇഷ്ടികകളും വടികളുമുപയോഗിച്ച് ആക്രമിക്കുകയായിരുന്നു. ജയിലിൽ നിന്ന് രക്ഷപ്പെടാൻ ശ്രമിച്ച തടവുകാരെ തടയുന്നതിനിടെയാണ് സർജന്റ് എസ്.ഡി.എസ് അബേവർധന ഉൾപ്പെടെയുള്ള ഏഴ് ഉദ്യോഗസ്ഥർക്ക് ജീവൻ നഷ്ടപ്പെട്ടത്. അഴിമതിയും മയക്കുമരുന്ന് കടത്തും തടയാൻ നിയോഗിക്കപ്പെട്ട പ്രത്യേക വിഭാഗത്തിലെ അംഗങ്ങളായിരുന്നു ഇവർ. കൊല്ലപ്പെട്ട ഉദ്യോഗസ്ഥരുടെ മൃതദേഹങ്ങൾ കൊളംബോയിലെ വെലികഡ ജയിലിൽ എത്തിച്ച് കുടുംബാംഗങ്ങൾക്ക് വിട്ടുനൽകി.
ജയിലിനുള്ളിലേക്ക് മയക്കുമരുന്ന് കടത്താനുള്ള ശ്രമങ്ങളെക്കുറിച്ച് ചില തടവുകാർ ജയിൽ ഉദ്യോഗസ്ഥർക്ക് വിവരം നൽകിയതാണ് സംഘർഷത്തിന് തുടക്കമിട്ടതെന്നാണ് പ്രാഥമിക അന്വേഷണത്തിൽ വ്യക്തമായത്. 650 പേരെ മാത്രം ഉൾക്കൊള്ളാൻ ശേഷിയുള്ള ജയിലിൽ ഏകദേശം 2,400 തടവുകാരാണുള്ളത്. അമിതമായ ജനതിരക്ക് ആണ് ഇത്തരം സംഘർഷങ്ങൾക്ക് പ്രധാന കാരണമെന്ന് തടവുകാരുടെ അവകാശങ്ങൾക്കായുള്ള സമിതി ചൂണ്ടിക്കാട്ടുന്നു. ശ്രീലങ്കൻ ജയിൽ ചരിത്രത്തിലെ തന്നെ ഏറ്റവും വലിയ കലാപങ്ങളിലൊന്നായി ഇത് കണക്കാക്കപ്പെടുന്നു.
Summary: Twenty-six people, including seven prison officials and 19 inmates, have died following a violent two-day riot at Negombo Prison in Sri Lanka. The clash, reportedly triggered by inmates exposing drug smuggling activities within the facility, escalated into a brutal confrontation where officers were attacked with makeshift weapons while trying to prevent mass escapes. Authorities highlighted severe overcrowding, with the facility housing nearly four times its capacity, as a critical factor behind the volatile environment that led to this tragedy.
