ഒട്ടാവ: ഖാലിസ്താൻ വിഘടനവാദി ഹർദീപ് സിംഗ് നിജ്ജാർ കൊല്ലപ്പെട്ട സംഭവത്തിൽ ഇന്ത്യയ്ക്ക് പങ്കുള്ളതായി യാതൊരു തെളിവുകളുമില്ലെന്ന് കാനഡ പോലീസ് വ്യക്തമാക്കി. നിജ്ജാർ വധത്തിന് പിന്നിൽ ഇന്ത്യൻ ഏജന്റുമാർക്ക് പങ്കുണ്ടാകാമെന്ന് മുൻ കനേഡിയൻ പ്രധാനമന്ത്രി ജസ്റ്റിൻ ട്രൂഡോ പാർലമെന്റിൽ ഉന്നയിച്ച ഗുരുതര ആരോപണങ്ങൾ കാനഡ പോലീസ് തന്നെ തള്ളിക്കളയുകയാണ്. യുഎസ് നീതിന്യായ വകുപ്പ് പുറത്തുവിട്ട പുതിയ കുറ്റപത്രത്തിൽ നിജ്ജാർ വധത്തിന് പിന്നിൽ ഗുണ്ടാതലവൻ ലോറൻസ് ബിഷ്ണോയിയുടെ സംഘമാണെന്ന് വ്യക്തമാക്കിയതിന് പിന്നാലെയാണ് കാനഡ പോലീസിന്റെ പ്രതികരണം.(Hardeep Singh Nijjar Case Canada RCMP Clears Indian Government Officials US Indictment Lawrence Bishnoi)
ഇന്ത്യൻ സർക്കാർ ഉദ്യോഗസ്ഥർക്ക് ഈ കൊലപാതകത്തിൽ പങ്കുണ്ടെന്നതിനോ അവർക്കെതിരെ കുറ്റം ചുമത്തേണ്ടതിനോ ഉള്ള യാതൊരു തെളിവുകളും ഈ സംഘടിത കുറ്റകൃത്യ സിൻഡിക്കേറ്റ് അന്വേഷണത്തിൽ കണ്ടെത്തിയിട്ടില്ലെന്ന് റോയൽ കനേഡിയൻ മൗണ്ടഡ് പോലീസ് ഡെപ്യൂട്ടി കമ്മീഷണർ ലിസ മോറെലാൻഡ് പറഞ്ഞു. ട്രൂഡോയുടെ മുൻപത്തെ ആരോപണങ്ങൾ പൂർണ്ണമായും തള്ളിയ ഇന്ത്യ, ഇത് തികച്ചും രാഷ്ട്രീയ പ്രേരിതവും അസംബന്ധവുമാണെന്ന് വ്യക്തമാക്കിയിരുന്നു.
ഈ വിഷയം ഇന്ത്യ-കാനഡ നയതന്ത്ര ബന്ധത്തിൽ വലിയ വിള്ളലുകൾ വീഴ്ത്തിയിരുന്നു. അമേരിക്കൻ നീതിന്യായ വകുപ്പ്, കാനഡ, യൂറോപ്പ് എന്നിവിടങ്ങളിലെ സുരക്ഷാ ഏജൻസികൾ സംയുക്തമായി നടത്തിയ ‘ഓപ്പറേഷൻ ഹാർഡ് ബോൾ’ എന്ന നീക്കത്തിലൂടെ ഇന്ത്യ കേന്ദ്രീകരിച്ച് പ്രവർത്തിക്കുന്ന അന്താരാഷ്ട്ര കുറ്റവാളി സംഘങ്ങളിലെ 24 പേരെ അറസ്റ്റ് ചെയ്തിട്ടുണ്ട്. ഇതിൽ 11 പേർ കാലിഫോർണിയയിൽ നിന്നാണ് പിടിയിലായത്.
Story Summary
The Royal Canadian Mounted Police (RCMP) stated there is no evidence linking Indian government officials to the 2023 killing of Hardeep Singh Nijjar. The development follows a newly unsealed US Department of Justice indictment under ‘Operation Hard Ball’, which named jailed gangster Lawrence Bishnoi and his syndicate responsible for the assassination.
