തമിഴ് സിനിമാ ലോകത്തെ പ്രിയങ്കരനായ ഭാഗ്യരാജിന്റെ വിയോഗവാർത്ത തന്നെ മാനസികമായി തളർത്തിക്കളഞ്ഞെന്ന് നടി ഉർവശി. മരണവാർത്ത കേട്ടപ്പോൾ ശരീരം തളർന്നുപോയെന്നും ബോധം കെട്ടുപോകുന്ന അവസ്ഥയായിരുന്നുവെന്നും ഗലാട്ട തമിഴിന് നൽകിയ അഭിമുഖത്തിൽ താരം പറഞ്ഞു (Urvashi on Bhagyaraj Death). ഷൂട്ടിംഗ് സെറ്റിലായിരുന്ന സമയത്താണ് ചാനലുകളിൽ നിന്നുള്ള വിളികളിലൂടെ താൻ ഈ ദുഃഖവാർത്ത അറിയുന്നത്.
ഭാഗ്യരാജിനെ അവസാനമായി കാണാൻ ഇറങ്ങിപ്പുറപ്പെട്ടെങ്കിലും പാതിവഴിയിൽ താൻ തിരിച്ചുപോരുകയായിരുന്നുവെന്ന് ഉർവശി വെളിപ്പെടുത്തി. “ഞാൻ അവിടേക്ക് പോകേണ്ടത് അദ്ദേഹത്തിന്റെ കുടുംബത്തെ ആശ്വസിപ്പിക്കാനാണ്. എന്നാൽ ആ സമയത്ത് അവരേക്കാളും മോശമായ അവസ്ഥയിലായിരുന്നു ഞാൻ. ഞാൻ അവിടെ ചെന്ന് കരഞ്ഞാൽ അത് അവരുടെ അവസ്ഥ കൂടുതൽ വഷളാക്കുകയേ ഉള്ളൂ. അതുകൊണ്ടാണ് തിരിച്ചുപോരാൻ തീരുമാനിച്ചത്,” ഉർവശി പറഞ്ഞു.
മരണശേഷം അദ്ദേഹത്തെ കാണാൻ താൻ തയ്യാറായില്ലെന്നും, അദ്ദേഹം കോട്ടും സ്യൂട്ടും ധരിച്ച് ഗെത്തായി നടക്കുന്ന ചിത്രമാണ് തന്റെ മനസ്സിൽ ഇപ്പോഴുമുള്ളതെന്നും താരം വ്യക്തമാക്കി. സിൽക്ക് സ്മിതയുമായുള്ള തന്റെ സൗഹൃദത്തെക്കുറിച്ചും ഉർവശി ഓർമ്മിച്ചു. അവരെയും മരണശേഷം താൻ കണ്ടിട്ടില്ലെന്നും, അവർ സുന്ദരിയായി ചിരിച്ചുനിൽക്കുന്ന ചിത്രമാണ് താൻ എന്നും ഓർത്തിരിക്കുന്നതെന്നും ഉർവശി കൂട്ടിച്ചേർത്തു. അതീവ സെൻസിറ്റീവായ താൻ അത്തരം കാഴ്ചകൾ കണ്ട് തകരുമെന്ന് ഭയന്നാണ് പലപ്പോഴും വിട്ടുനിൽക്കാറുള്ളതെന്നും താരം തുറന്നുപറഞ്ഞു.
Summary: Actress Urvashi has shared her profound grief over the passing of Bhagyaraj, revealing that she was on a film set when she learned the news. She explained that she chose not to see him in his final moments because she was in a fragile emotional state and did not want to add to the pain of his grieving family. Urvashi emphasized that she prefers to remember him as the vibrant, stylish personality he was during his life, a practice she also followed regarding her close friend, Silk Smitha.
