കോതമംഗലം: കുട്ടമ്പുഴയിൽ വനമേഖലയോട് ചേർന്നു കിടക്കുന്ന ജനവാസ മേഖലയിൽ കാട്ടാന വീട്ടിലെ കിണറ്റിൽ വീണു. ഇന്ന് പുലർച്ചെ അഞ്ചരമണിയോടെയാണ് സംഭവം. ജെ.സി.ബി ഉപയോഗിച്ച് കിണറിന്റെ ഒരുഭാഗത്തെ മണ്ണ് നീക്കി ആനയെ പുറത്തെത്തിക്കാനുള്ള ശ്രമങ്ങൾ വനംവകുപ്പ് ആരംഭിച്ചു.(Kuttampuzha Wild Elephant Falls Into Well Local Protest)
അതേസമയം, പ്രതിഷേധവുമായി നാട്ടുകാർ രംഗത്തെത്തി. ഈ ആന പ്രദേശത്ത് സ്ഥിരമായി ഇറങ്ങി വ്യാപകമായ നാശനഷ്ടങ്ങൾ വരുത്തുന്നതാണെന്നും, അതിനാൽ കരയ്ക്കെടുക്കുന്ന ആനയെ കോടനാട് കേന്ദ്രത്തിലേക്ക് മാറ്റണമെന്നുമാണ് നാട്ടുകാരുടെ ആവശ്യം.
കിണറ്റിൽ വീണ ആനയുടെ തുമ്പിക്കൈക്ക് മുറിവേറ്റിട്ടുണ്ട്. എന്നാൽ ആനയുടെ ആരോഗ്യനില നിലവിൽ തൃപ്തികരമാണെന്ന് സ്ഥലത്തെത്തിയ മലയാറ്റൂർ ഡി.എഫ്.ഒ അറിയിച്ചു. ഡി.എഫ്.ഒ സംഭവസ്ഥലത്ത് വെച്ച് എം.എൽ.എയുമായും നാട്ടുകാരുമായും ചർച്ച നടത്തി. നിലവിലെ സാഹചര്യത്തിൽ ആനയെ കാട്ടിലേക്ക് തന്നെ തിരികെ വിടാനുമാണ് വനംവകുപ്പിന്റെ തീരുമാനം.
Story Summary
A wild elephant fell into a domestic well in Kuttampuzha near Kothamangalam. While forest officials are trying to rescue the elephant using a JCB, local residents have launched a massive protest demanding the elephant be tranquilized and relocated to Kodanad due to frequent crop raids
