തിരുവനന്തപുരം: മാസപ്പടി കേസുമായി ബന്ധപ്പെട്ട് മുൻ മുഖ്യമന്ത്രി പിണറായി വിജയന്റെ മകളുടെ വീട്ടിൽ റെയ്ഡിനെത്തിയ എൻഫോഴ്സ്മെന്റ് ഡയറക്ടറേറ്റ് (ED) ഉദ്യോഗസ്ഥരെ ആക്രമിച്ച കേസിൽ പിടിയിലായ 10 പ്രതികളുടെ ജാമ്യാപേക്ഷയിൽ കോടതി നാളെ വിധി പറയും. അക്രമവുമായി ബന്ധപ്പെട്ട നിർണ്ണായക വീഡിയോ ദൃശ്യങ്ങൾ കോടതി നേരിട്ട് പരിശോധിക്കണമെന്ന പ്രോസിക്യൂഷന്റെ ഹർജി കോടതി അംഗീകരിച്ചു.( ED Officials Attack Case Court Verdict On Bail Applications Tomorrow)
ഡിജിറ്റൽ തെളിവുകൾ കൃത്യമായി വിലയിരുത്തുന്നതിന്റെ ഭാഗമായാണ് കോടതി ഈ ദൃശ്യങ്ങൾ പരിശോധിക്കുന്നത്. വീണയുടെ മാസപ്പടി കേസുമായി ബന്ധപ്പെട്ട് തിരുവനന്തപുരത്തെ പിണറായി വിജയന്റെ വസതിയിൽ ഇ.ഡി റെയ്ഡ് നടത്തി മടങ്ങുന്നതിനിടെയാണ് ഉദ്യോഗസ്ഥർക്ക് നേരെ ഒരു സംഘം കടുത്ത ആക്രമണം അഴിച്ചുവിട്ടത്.
കേസിൽ അറസ്റ്റിലായ പ്രതികൾക്കെതിരെ കൃത്യമായ പങ്കാളിത്തം തെളിയിക്കുന്ന ശക്തമായ തെളിവുകളുണ്ടെന്നും, അന്വേഷണം പുരോഗമിക്കുന്ന ഈ ഘട്ടത്തിൽ പ്രതികൾക്ക് ജാമ്യം അനുവദിക്കുന്നത് കേസ് അട്ടിമറിക്കാൻ കാരണമാകുമെന്നും പ്രോസിക്യൂഷൻ കോടതിയെ അറിയിച്ചു. സംഭവസ്ഥലത്തുനിന്നും വിവിധ മാധ്യമങ്ങളിൽനിന്നും അന്വേഷണസംഘം ശേഖരിച്ച നിർണായക വീഡിയോ ദൃശ്യങ്ങൾ പരിശോധിക്കാൻ കോടതി അനുമതി നൽകിയത് കേസിൽ വലിയ വഴിത്തിരിവാകും.
Story Summary
The court will rule tomorrow on the bail applications of 10 accused arrested for attacking ED officials during a raid at Veena Vijayan’s residence in connection with the monthly payoff case. In a significant development, the court accepted the prosecution’s plea to directly examine video footage and digital evidence of the incident collected from the scene and media outlets.
