വന്ദേഭാരത് ട്രെയിൻ യാത്രയ്ക്കിടെ മുഖ്യമന്ത്രി വി.ഡി. സതീശനെ കണ്ടുമുട്ടിയ സന്തോഷം പങ്കുവെച്ച് ഗായകൻ കൊല്ലം ഷാഫി. തിരുവനന്തപുരത്തേക്കുള്ള യാത്രയിൽ വന്ദേഭാരതിലെ സഹയാത്രികരായിരുന്നു ഇരുവരും. മുഖ്യമന്ത്രിയുടെ എളിമയും പെരുമാറ്റരീതിയും തന്നെ അമ്പരപ്പിച്ചുവെന്ന് ഷാഫി തന്റെ ഫേസ്ബുക്ക് പോസ്റ്റിലൂടെ വ്യക്തമാക്കി.(Shafi Kollam on VD Satheesan)
“എന്തൊരു സിംപിൾ ആൻഡ് ഹംബിൾ മനുഷ്യനാണ് നമ്മുടെ ബഹുമാന്യനായ മുഖ്യമന്ത്രി! അടുത്ത് ചെന്ന് സ്വയം പരിചയപ്പെടുത്തിയപ്പോൾ, ‘അറിയാം, ഒരുപാട് കേട്ടിട്ടുണ്ടല്ലോ’ എന്ന് അദ്ദേഹം നൽകിയ മറുപടി ഏറെ സന്തോഷം നൽകി. സെൽഫിയെടുക്കാൻ അനുവാദം ചോദിച്ചപ്പോൾ, ‘അതിനെന്താ വാ എടുത്തോളൂ, ഇവിടിരുന്നോളൂ’ എന്ന് പറഞ്ഞ് അദ്ദേഹം കാണിച്ച സൗമ്യത ജനങ്ങളുടെ നേതാവ് എങ്ങനെയായിരിക്കണം എന്നതിന്റെ ഉത്തമ ഉദാഹരണമാണ്. അങ്ങ് നീണാൾ വാഴട്ടെ സർ,” ഷാഫി കുറിച്ചു.
മാപ്പിളപ്പാട്ട് ആൽബങ്ങളിലൂടെ സംഗീതലോകത്തെത്തിയ കൊല്ലം ഷാഫി, പിന്നീട് മലയാള സിനിമയിൽ ഗായകനായും സംഗീതസംവിധായകനായും അഭിനേതാവായും തന്റെ സാന്നിധ്യം അറിയിച്ചു. മോഹൻലാൽ ചിത്രം ‘മരക്കാർ: അറബിക്കടലിന്റെ സിംഹം’ ഉൾപ്പെടെയുള്ള സിനിമകളിൽ ഗാനരചയിതാവായും അദ്ദേഹം തിളങ്ങിയിട്ടുണ്ട്. വലിയൊരു ആരാധകവൃന്ദത്തെ തന്നെ ഇതിനകം സ്വന്തമാക്കാൻ ഷാഫിക്ക് സാധിച്ചിട്ടുണ്ട്. മുഖ്യമന്ത്രിയുമായുള്ള ഈ അപ്രതീക്ഷിത കൂടിക്കാഴ്ചയുടെ ചിത്രം സോഷ്യൽ മീഡിയയിൽ ഇതിനകം വലിയ ശ്രദ്ധ നേടിക്കഴിഞ്ഞു.
Summary: Singer Shafi Kollam recently shared his memorable experience of meeting Kerala Chief Minister VD Satheesan while traveling on the Vande Bharat Express to Thiruvananthapuram. Expressing his admiration for the Chief Minister’s simplicity and humility, Shafi recounted how VD Satheesan kindly recognized him and readily agreed to take a selfie, praising him as a true “people’s leader.” The post has since gone viral, highlighting the Chief Minister’s accessible approach toward citizens.
