തിരുവനന്തപുരം: തിരുവനന്തപുരം റെയിൽവേ സ്റ്റേഷനിൽ പ്ലാറ്റ്ഫോം നമ്പർ ഒന്നിൽ പൈലിങ് ജോലികൾക്കായി ഉപയോഗിച്ചിരുന്ന യന്ത്രം റെയിൽവേ ട്രാക്കിലേക്ക് ചരിഞ്ഞു. ഇതേത്തുടർന്ന് ഒന്നാം നമ്പർ പ്ലാറ്റ്ഫോമിലെ ട്രെയിൻ ഗതാഗതം താൽക്കാലികമായി നിർത്തിവെച്ചു.(Piling machine collapses on tracks at Thiruvananthapuram Central Railway Station)
അപകടം നടക്കുമ്പോൾ പ്ലാറ്റ്ഫോമിൽ യാത്രക്കാർ കുറവായിരുന്നതിനാൽ വലിയൊരു ദുരന്തം ഒഴിവായി. റെയിൽവേ സ്റ്റേഷൻ വികസന പ്രവർത്തനങ്ങളുടെ ഭാഗമായാണ് ഒന്നാം നമ്പർ പ്ലാറ്റ്ഫോമിന് സമീപം പൈലിങ് ജോലികൾ നടന്നിരുന്നത്. ഇതിനിടയിലാണ് നിയന്ത്രണം നഷ്ടപ്പെട്ട യന്ത്രം ട്രാക്കിലേക്ക് ചരിഞ്ഞുവീണത്.
ഇതോടെ ഈ പ്ലാറ്റ്ഫോമിലേക്കുള്ള ഗതാഗതം തടസ്സപ്പെട്ടു. ഒന്നാം നമ്പർ പ്ലാറ്റ്ഫോമിൽ എത്തേണ്ട ട്രെയിനുകൾ മറ്റ് പ്ലാറ്റ്ഫോമുകളിലേക്ക് തിരിച്ചുവിട്ടേക്കും. മറ്റ് ട്രാക്കുകളിലൂടെ ട്രെയിൻ ഗതാഗതം തടസ്സമില്ലാതെ തുടരുന്നുണ്ട്. ചരിഞ്ഞ യന്ത്രം ട്രാക്കിൽ നിന്ന് നീക്കം ചെയ്യാനുള്ള ശ്രമങ്ങൾ റെയിൽവേ അധികൃതരുടെ നേതൃത്വത്തിൽ ആരംഭിച്ചിട്ടുണ്ട്. സംഭവത്തിൽ റെയിൽവേ ഉദ്യോഗസ്ഥർ അന്വേഷണം പ്രഖ്യാപിച്ചിട്ടുണ്ട്.
Story Summary
A piling machine being used for construction work at Thiruvananthapuram Central Railway Station tilted and collapsed onto the tracks at Platform No. 1, leading to the temporary suspension of train operations on that platform. No injuries were reported as there were few passengers present at the time, and railway authorities have begun efforts to clear the track while diverting trains to other platforms.
