കൊച്ചി: ആഗോള ഇലക്ട്രോണിക്സ് ഭീമന്മാരായ സോണി ഇന്ത്യ പ്രൊഫഷണൽ ഫോട്ടോഗ്രാഫർമാരുടെയും സിനിമാ പ്രവർത്തകരുടെയും നെഞ്ചിടിപ്പ് കൂട്ടാൻ പുതിയ ക്യാമറ വിപണിയിൽ എത്തിച്ചു (Sony Alpha 7R VI Launch India). ഏറെ പ്രശസ്തമായ ആൽഫാ 7ആർ (Alpha 7R) സീരീസിലെ ഏറ്റവും പുതിയ ഫ്ലാഗ്ഷിപ്പ് മോഡലായ ‘ആൽഫാ 7ആർ VI’ (Alpha 7R VI) ആണ് കമ്പനി കൊച്ചിയിൽ അവതരിപ്പിച്ചത്. പ്രൊഫഷണൽ ഫോട്ടോഗ്രാഫർമാർക്കും ഫിലിം മേക്കർമാർക്കും അതിവേഗ പ്രവർത്തനക്ഷമതയും സമാനതകളില്ലാത്ത ദൃശ്യമികവും നൽകുന്ന രീതിയിലാണ് ഈ ഫുൾ-ഫ്രെയിം മിറർലെസ് ക്യാമറ രൂപകൽപ്പന ചെയ്തിരിക്കുന്നത്. ക്യാമറയോടൊപ്പം ഉന്നത നിലവാരത്തിലുള്ള ഓഡിയോ റെക്കോർഡിംഗിനായി എക്സ്എൽആർ-എ4 (XLR-A4) അഡാപ്റ്ററും സോണി പുറത്തിറക്കിയിട്ടുണ്ട്.
ഏകദേശം 66.8 മെഗാപിക്സൽ ബാക്ക്-ഇലുമിനേറ്റഡ് ഫുള്ളി സ്റ്റാക്ക്ഡ് എക്സ്മോർ ആർഎസ്™ (Exmor RS) സിഎംഒഎസ് സെൻസറും സോണിയുടെ ഏറ്റവും പുതിയ ‘ബയോൺസ് എക്സ്ആർ2™’ (BIONZ XR2) ഇമേജ് പ്രൊസസിംഗ് എഞ്ചിനുമാണ് ഈ ക്യാമറയുടെ പ്രധാന കരുത്ത്. ഇത് പ്രകാശവ്യതിയാനങ്ങളെ മികച്ച രീതിയിൽ ഉൾക്കൊള്ളാൻ സഹായിക്കുന്ന 16 സ്റ്റോപ്സ് വരെയുള്ള വിപുലമായ ഡയനാമിക് റേഞ്ച് (Dynamic Range) ഉറപ്പാക്കുന്നു. അതിനൂതനമായ എ.ഐ (AI) പ്രൊസസിംഗ് യൂണിറ്റ് ക്യാമറയിൽ തന്നെയുള്ളതിനാൽ മനുഷ്യരുടെ ശരീരഘടന കൃത്യമായി തിരിച്ചറിഞ്ഞ് ട്രാക്ക് ചെയ്യാനും, വേഗത്തിൽ ചലിക്കുന്ന സ്പോർട്സ് ഇനങ്ങൾ, വന്യജീവികൾ എന്നിവയെ ഒട്ടും ഫോക്കസ് നഷ്ടപ്പെടാതെ പകർത്താനും സാധിക്കും.
മുൻ മോഡലുകളേക്കാൾ 5.6 മടങ്ങ് വേഗതയേറിയ സെൻസർ റീഡ്ഔട്ട് ഉള്ളതിനാൽ വ്യൂഫൈൻഡറിൽ ബ്ലാക്ക്ഔട്ട് (Blackout) ഇല്ലാതെ സെക്കൻഡിൽ 30 ഫ്രെയിമുകൾ വരെ വേഗതയിൽ റോ (RAW) ചിത്രങ്ങൾ തുടർച്ചയായി പകർത്താം. കൈകൾ ചലിച്ചാലോ ഓടിക്കൊണ്ട് പടമെടുത്താലോ ചിത്രങ്ങൾ മങ്ങാതെ വ്യക്തതയോടെ നിലനിർത്താൻ 5-ആക്സിസ് ഒപ്റ്റിക്കൽ ഇമേജ് സ്റ്റെബിലൈസേഷൻ (Image Stabilization) സഹായിക്കും. ദൃശ്യ നിലവാരത്തിൽ വിട്ടുവീഴ്ചയില്ലാതെ 8കെ 30പി (8K 30p) റേറ്റിലും ക്രോപ്പ് ചെയ്യാതെ ഫുൾ ഫ്രെയിമിൽ 4കെ 120പി (4K 120p) വരെയുള്ള റേറ്റിലും സിനിമ നിലവാരത്തിലുള്ള വീഡിയോകൾ ഇതിൽ റെക്കോർഡ് ചെയ്യാം. പുതിയ ഹീറ്റ് മാനേജ്മെന്റ് സംവിധാനം ഉള്ളതിനാൽ ക്യാമറ ചൂടാകാതെ തടസ്സമില്ലാതെ 120 മിനിറ്റ് വരെ 8കെ വീഡിയോകൾ തുടർച്ചയായി ചിത്രീകരിക്കാം.
ഉയർന്ന ശേഷിയുള്ള പുതിയ ‘എൻപി-എസ്എ100’ (NP-SA100) ബാറ്ററി വഴി എൽ.സി.ഡി മോണിറ്റർ ഉപയോഗിച്ച് 710 ചിത്രങ്ങളും വ്യൂഫൈൻഡർ വഴി 600 ചിത്രങ്ങളും വരെ ഒറ്റ ചാർജിൽ എടുക്കാം. മികച്ച ആംഗിളുകൾക്കായി 4-ആക്സിസ് മൾട്ടി-ആംഗിൾ എൽ.സി.ഡി മോണിറ്ററാണ് ഇതിലുള്ളത്. വ്യാജചിത്രങ്ങളുടെ കാലത്ത് എ.ഐ നിർമ്മിത ചിത്രങ്ങളിൽ നിന്നും യഥാർത്ഥ ചിത്രങ്ങളെ കൃത്യമായി വേർതിരിച്ചറിയാൻ സഹായിക്കുന്ന സോണിയുടെ ‘ക്യാമറ ഓഥന്റിസിറ്റി സൊല്യൂഷൻ’ (Camera Authenticity Solution) ഇതിലുണ്ട്.
2026 ജൂലൈ 3 മുതൽ രാജ്യത്തുടനീളമുള്ള സോണി സെന്ററുകൾ, ഔദ്യോഗിക വെബ്സൈറ്റായ ഷോപ്പറ്റ്എസ്സി.കോം (ShopatSC.com), ആമസോൺ (Amazon) എന്നിവയിലൂടെ ക്യാമറ വിപണിയിൽ ലഭ്യമായിത്തുടങ്ങി. വിപണി പ്രവേശനത്തിന്റെ ഭാഗമായി പരിമിത കാലയളവിലേക്ക് ക്യാമറ വാങ്ങുന്ന ഉപഭോക്താക്കൾക്ക് 10,490 രൂപ വിലവരുന്ന ഒരു എൻപി-എസ്എ100 ബാറ്ററി തികച്ചും സൗജന്യമായി ലഭിക്കും. കൂടാതെ സോണിയുടെ ആൽഫാ കമ്മ്യൂണിറ്റിയിൽ ക്യാമറ രജിസ്റ്റർ ചെയ്യുന്നതിലൂടെ 3 വർഷത്തെ വമ്പൻ വാറന്റിയും (2 വർഷത്തെ സ്റ്റാൻഡേർഡ് + 1 വർഷത്തെ അധിക വാറന്റി) ഉപഭോക്താക്കൾക്ക് സ്വന്തമാക്കാം.
Story Summary:
Sony India has launched its latest flagship full-frame mirrorless camera, the Alpha 7R VI, engineered for professional photographers and filmmakers. Featuring a 66.8 MP back-illuminated fully stacked Exmor RS CMOS sensor and a BIONZ XR2 image processing engine, it delivers up to 16 stops of dynamic range. Equipped with an AI processing unit for real-time subject tracking, it supports 8K 30p and 4K 120p video recording with an advanced heat management setup. The camera is available from July 3, 2026, on Sony Centers, Amazon, and ShopatSC.
