മലയാളികളുടെ പ്രിയനടൻ അരവിന്ദ് ആകാശ് വിവാഹിതനായി. ദീർഘകാലമായി അരവിന്ദിന്റെ സന്തത സഹചാരിയായിരുന്ന സാധ്വി ആർ.എസ് ആണ് വധു. മലേഷ്യയിലെ ക്വാലാലംപൂരിൽ വെച്ച് തികച്ചും ലളിതമായ ചടങ്ങിലായിരുന്നു വിവാഹം (Aravind Akash Marriage). അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. ഈ വർഷം തുടക്കത്തിലായിരുന്നു ഇവരുടെ വിവാഹ നിശ്ചയം നടന്നത്. പ്രിയതാരത്തിന് ആശംസകളുമായി ആരാധകർ സോഷ്യൽ മീഡിയയിൽ നിറയുകയാണ്.
2002-ൽ പുറത്തിറങ്ങിയ പൃഥ്വിരാജ് ചിത്രം ‘നന്ദന’ത്തിലൂടെ മലയാളികളുടെ ഹൃദയത്തിൽ ഇടംപിടിച്ച നടനാണ് അരവിന്ദ് ആകാശ്. ചിത്രത്തിലെ ‘ഉണ്ണിയേട്ടൻ’ എന്ന കഥാപാത്രം ഇന്നും പ്രേക്ഷകർക്ക് പ്രിയപ്പെട്ടതാണ്. തുടർന്ന് തമിഴ് സിനിമകളിലും നൃത്ത സംവിധാനരംഗത്തും സജീവമായ അരവിന്ദ്, അടുത്തിടെ പുറത്തിറങ്ങിയ ‘ഗുരുവായൂരമ്പല നടയിൽ’ എന്ന ചിത്രത്തിലൂടെ വീണ്ടും ശ്രദ്ധേയമായ വേഷത്തിൽ എത്തിയിരുന്നു. ഡൽഹിയിൽ ജനിച്ച അരവിന്ദ് പിന്നീട് ചെന്നൈയിലേക്ക് താമസം മാറുകയായിരുന്നു. ബാല്യം മുതൽ നൃത്തത്തോട് വലിയ അഭിനിവേശമുണ്ടായിരുന്ന താരം ബാക്ക്ഗ്രൗണ്ട് ഡാൻസറായി തുടങ്ങി പിന്നീട് മികച്ചൊരു നടനും നൃത്ത സംവിധായകനുമായി മാറുകയായിരുന്നു.
Summary: Actor Aravind Akash, beloved for his iconic role as ‘Unniettan’ in the 2002 film Nandanam, has married his long-time partner Sadhvi R.S. The wedding was a simple ceremony held in Kuala Lumpur, Malaysia, attended by close family and friends, following their engagement earlier this year. Aravind, a versatile performer and choreographer who also recently appeared in Guruvayoorambala Nadayil, continues to receive widespread congratulations from his fans and well-wishers.
