കോഴിക്കോട്: കരിപ്പൂർ പോലീസ് സ്റ്റേഷനിലെ തൊണ്ടിമുതലിൽ നിന്ന് പത്ത് ലക്ഷത്തോളം രൂപ വിലമതിക്കുന്ന എട്ട് പവനോളം സ്വർണ്ണാഭരണങ്ങൾ മോഷ്ടിച്ച സംഭവത്തിൽ മുൻ എസ്എച്ച്ഒയെ സസ്പെൻഡ് ചെയ്തു. എഎസ്പിയുടെ അന്വേഷണ റിപ്പോർട്ടിൽ കുറ്റകൃത്യം തെളിഞ്ഞതിനെത്തുടർന്നാണ് നടപടി.(Former SHO suspended for stealing gold evidence from Karipur police station)
2018-ന് മുൻപും ശേഷവും സ്റ്റേഷനിൽ സൂക്ഷിച്ചിരുന്ന സ്വർണ്ണാഭരണങ്ങളാണ് ഉദ്യോഗസ്ഥൻ കടത്തിയത്. പാലക്കാട് സൗത്ത് എസ്എച്ച്ഒ ആയിരിക്കെ മറ്റൊരു കൃത്യവിലോപത്തിന് ഇയാൾ നേരത്തെയും സസ്പെൻഷനിലായിരുന്നു.
സ്വർണ്ണം കൈക്കലാക്കിയ വിവരം പുറത്തായതോടെ, അന്വേഷണം ഒഴിവാക്കാൻ ഉദ്യോഗസ്ഥൻ സ്വർണ്ണം തിരികെ നൽകാൻ ശ്രമിച്ചിരുന്നു. എന്നാൽ, സ്വർണ്ണം അബദ്ധത്തിൽ കൈവശം വന്നുപോയതാണെന്നും പിന്നീട് അത് തിരിച്ചേൽപ്പിക്കാൻ മറന്നുപോയതാണെന്നുമാണ് ഇയാളുടെ വിചിത്രമായ വിശദീകരണം. ഈ കേസുമായി ബന്ധപ്പെട്ട് കൂടുതൽ അന്വേഷണം നടത്തുന്നതിനായി മലപ്പുറം ഡിവൈഎസ്പിയെ പ്രത്യേകമായി ചുമതലപ്പെടുത്തിയിട്ടുണ്ട്.
Story Summary
A former SHO has been suspended for allegedly stealing approximately eight sovereigns of gold, valued at ten lakh rupees, from the Karipur police station’s evidence locker. Despite the officer’s bizarre claim that he took the gold by mistake and simply forgot to return it, an investigation by the ASP confirmed the theft, leading to further inquiry by the Malappuram DySP.
