അശോക് നഗർ: മധ്യപ്രദേശിലെ അശോക് നഗറിൽ പാർക്ക് ചെയ്ത കാറിനുള്ളിൽ യുവാവിനെയും യുവതിയെയും മരിച്ച നിലയിൽ കണ്ടെത്തി. റിതിക് സോനി (25), മുസ്കാൻ (22) എന്നിവരെയാണ് മരിച്ച നിലയിൽ കണ്ടെത്തിയത് (Ashoknagar Couple Death). ഡ്രൈവർ സീറ്റിൽ വെടിയേറ്റ പാടുകളോടെയും മുഖത്ത് പൊള്ളലേറ്റ നിലയിലുമാണ് റിതിക്കിന്റെ മൃതദേഹം കണ്ടത്. മുസ്കാൻ തൊട്ടടുത്ത സീറ്റിൽ കഴുത്തറുത്ത നിലയിലുമായിരുന്നു. ബുധനാഴ്ച ഉച്ചയോടെ ജിമ്മിലേക്ക് പോകുന്നുവെന്ന് പറഞ്ഞ് വീട്ടിൽ നിന്നിറങ്ങിയ മുസ്കാൻ തിരികെ വരാത്തതിനെത്തുടർന്ന് കുടുംബം നൽകിയ പരാതിയിലാണ് പോലീസ് അന്വേഷണം നടത്തിയത്.
സംഭവസ്ഥലത്തു നിന്നും ഒരു പിസ്റ്റളും, രക്തം പുരണ്ട കോടാലിയും കട്ടറും കണ്ടെടുത്തു. കാറിൽ നിന്ന് ഏകദേശം 50 അടി അകലെയായി മൂന്ന് മൊബൈൽ ഫോണുകൾ ഉപേക്ഷിച്ച നിലയിൽ കണ്ടെത്തിയത് അന്വേഷണത്തിൽ നിർണ്ണായകമാകും. ഇൻഡോറിലെ ഒരു സ്വകാര്യ കമ്പനിയിൽ ഇരുവരും ഒരുമിച്ച് ജോലി ചെയ്തിരുന്നതായി പ്രാഥമിക അന്വേഷണത്തിൽ തെളിഞ്ഞിട്ടുണ്ട്. കൊലപാതകമാണോ ആത്മഹത്യയാണോ എന്ന് വ്യക്തമാക്കാൻ ഫോറൻസിക് റിപ്പോർട്ടും പോസ്റ്റ്മോർട്ടം ഫലവും പുറത്തുവരുന്നതുവരെ കാത്തിരിക്കണമെന്ന് പോലീസ് അറിയിച്ചു. ബന്ധുക്കളെ ചോദ്യം ചെയ്യുന്നതടക്കമുള്ള നടപടികളുമായി പോലീസ് മുന്നോട്ട് പോവുകയാണ്.
Summary: A young couple, Ritik Soni and Muskan, were found dead inside a parked car in Ashoknagar, Madhya Pradesh, in a suspicious case involving both gunshot and sharp-force injuries. While Ritik had a bullet wound and burn marks, Muskan was found with her throat slit. Police recovered a pistol, an axe, and a cutter from the scene, along with three mobile phones found 50 feet away. The pair had previously worked together in Indore, a connection now under intense police scrutiny to determine if the deaths were a case of murder or suicide.
