സൗജന്യ യാത്ര അനുവദിക്കാൻ വിസമ്മതിച്ചതിന് ഓട്ടോ ഡ്രൈവർക്ക് നേരെ ഗുരുഗ്രാം പോലീസുകാരന്റെ അസഭ്യവർഷം. മുൻകൂട്ടി ബുക്ക് ചെയ്ത യാത്രയുണ്ടെന്ന് ചൂണ്ടിക്കാട്ടി ഓട്ടോ ഡ്രൈവർ യാത്രയ്ക്ക് തയ്യാറാകാതിരുന്നതാണ് പോലീസുകാരനെ പ്രകോപിപ്പിച്ചത്. സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയും പൊതുജനങ്ങളിൽ നിന്ന് വലിയ വിമർശനം ഉയരുകയും ചെയ്യുകയാണ്. (Police abusing Auto Rickshaw Driver)
ഓട്ടോയിൽ കയറിയ ശേഷം പോലീസുകാരൻ താൻ പോകേണ്ട സ്ഥലത്തേക്ക് ഡ്രൈവറോട് വണ്ടിയെടുക്കാൻ ആവശ്യപ്പെടുകയായിരുന്നു. എന്നാൽ, ആപ്പ് വഴി മുൻകൂട്ടി ബുക്കിങ് ഉള്ളതിനാൽ തനിക്ക് പോകാൻ കഴിയില്ലെന്ന് ഡ്രൈവർ വ്യക്തമാക്കിയതോടെ പോലീസുകാരൻ അസഭ്യവാക്കുകൾ ഉപയോഗിച്ച് തട്ടിക്കയറി. തന്റെ ഔദ്യോഗിക കൃത്യനിർവഹണം നടത്തുക മാത്രമാണ് ചെയ്യുന്നതെന്ന് ഡ്രൈവർ ആവർത്തിച്ചു പറഞ്ഞെങ്കിലും, പോലീസുകാരൻ അസഭ്യം തുടരുകയായിരുന്നു. സംഭവത്തിന്റെ വീഡിയോ ദൃശ്യങ്ങളിൽ പോലീസുകാരന്റെ മോശം പെരുമാറ്റം വ്യക്തമാണ്. വീഡിയോയുടെ അവസാനം, താൻ ബുക്ക് ചെയ്ത യാത്രക്കാരുമായി പോകാൻ എത്തിയതാണെന്നും എന്നാൽ പോലീസുകാരൻ നിർബന്ധപൂർവ്വം ഓട്ടോയിൽ കയറി തന്നോട് അസഭ്യം പറയുകയായിരുന്നുവെന്നും ഡ്രൈവർ വെളിപ്പെടുത്തുന്നുണ്ട്. സംഭവത്തിൽ ഗുരുഗ്രാം പോലീസ് ഇതുവരെ ഔദ്യോഗികമായി പ്രതികരിച്ചിട്ടില്ല.
Summary: A video has gone viral showing a Gurugram police officer verbally abusing an auto-rickshaw driver after being denied a free ride. The driver had refused to ferry the officer, explaining that he had already accepted a prior booking through a ride-hailing app. The officer’s abusive conduct sparked widespread public outrage, leading to severe criticism regarding police accountability and misuse of authority. Gurugram police have yet to issue a formal statement addressing the incident.
